MATIUS 15:29 - Alkitab Singog In Mongondow Masa In Tanaa

²⁹ Ki Yesus nonaḷámai kon tampat tatua, bo minayá nongin bingkí in pintad in Danow Galilea. Bodongka notakod kon buḷud bo iḻimitú kon tua.

MATIUS 15:29 ပူးပေါင်းရင်းမြစ်များ

YESAYA 9:1

Bangusa inta nobiag kon bonu in sindip mokoontongdon kon bayag moḷoben. Inta nogutun kon bonu in oḻinow in popatoi sinimbayagan in sindar nobayag.

MATIUS 13:2

Kon tua intau noroangoi bo noḻipung kon i-Nia, dá minayá in Sia sinumakoi kon uangga bo iḻimitú kon tua, intau moantó sinimindog komintan kon pintad.

MATIUS 4:18

Kon tungkuḷ in ki Yesus minayá nongin bingkí in Danow Galilea, Sia in nokoontong kon intau taya dua mogutat, ki Simon (inta dinonoi ki Petrus) bo ki Andreas ki utatnea. Tua in tangoi monia. Mosia in koyogot mobukayad kon landará kon danow sin tuabí in oaidan monia, modomok kon toyá.

MATIUS 5:1

Naonda in ki Yesus nokoontong kon intau moantó tua, Sia notakod kon buḷud, bo naonda iḻimitú in Sia, murí-Nea mita in namangoidon kon i-Nia.

MARKUS 1:16

Wakutu in ki Yesus minayá nongin pintad in Danow Galilea, nokoontong in Sia kon intau doyowa inta mododomok kon toyá in oaidan monia. Ki Simon bo ki ai-ainea ki Andreas in tangoi monia. Mosia in koyogot molandará kon danow tatua.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

YOHANES 21:1

Nopaḷut mako kon tua ki Yesus in bui nokipogontong kon murí-Nea taya pitu kon Danow Tiberias. Nanaa in kino bobaḻínea:

YOHANES 6:1

Nopaḷut mako kon tua ki Yesus minayá in ḷoḷan Danow Galilea inta sinangoian Danow Tiberias.

YOHANES 6:23

Noiduduimai kon tua tongonumai uangga nongkon kotá in Tiberias namangoi bo sinumubu kon diug in tampat pinokaanan kon intau moantó kon roti naonda in ki Tuhan nopoyaput in sukur.

YOSUA 12:3

Noitakin doman in butá Ḷopá in Yordan kon dotá in pomukaan, nongkon Danow Galilea nopobayá ná toḷatan nodapot kon Bet-Yesimot (kon dotá in pomukaan kon Laut Mati), minayá turus kon sipangkoion in Buḷud in Pisga.