MATIUS 15:1 - Alkitab Singog In Mongondow Masa In Tanaa

¹ Noiduduimai kon tua, tongonumai degá intau in Parisi bo mototundú mita kon agama, mosia in nongkon Yerusalem namangoi bo noḻibó kon i Yesus,

MATIUS 15:1 ပူးပေါင်းရင်းမြစ်များ

MATIUS 23:2

“Mototundú mita kon agama Yahudi bo intau mita in Parisi aindon inogoian in kawasa monotaau kon hukum i Musa.

MATIUS 5:20

Tuamai, Akuoi in mosingog kon inimu: Aka iko bo diá mogaid kon onu inta kinoibog i Allah moiḻiu kon mototundú mita kon agama in Yahudi bo intau mita in Parisi, yo moiko in diábí mobaḻí umat i Allah.”

MARKUS 3:22

Mototundú mita kon agama Yahudi inta namangoi nongkon Yerusalem noguman, “Kinotoḷangan i Beelzebul in Sia! Itoi in dimukud mita moraat tatua in nobogoi in kawasa kon i-Nia moguntun kon dimukud moraat.”

LUKAS 5:17

Kon singgai tobatú, wakutu in ki Yesus koyogot motundúmai, oyúon in tongonumai in intau in Parisi bo mototundú kon agama iḻimitú kon tua mokidongog kon onu in poguman-Nea. Mosia tua in namangoi nongkon Yerusalem bo nongkon kotá mita kon Galilea bo Yudea. Kawasa i Tuhan umuran kotaki-takin-Nea sahingga in Sia mokopia kon intau mita inta notakit.

LUKAS 5:21

Mototundú mita kon agama bo intau mita in Parisi nomangkoidon moḻibó kon bonu in gina monia, “Ki inebí intau tanaa sin mobaranibí in moningkuḻe kon i Allah? Eta ki inebí in motaau mongampung kon taḷá koḻikudbí in ki Allah tontaní?”

LUKAS 5:30

Tongonumai degá intau in Parisi bo mototundú mita kon agama noyaat in gina in nokoontongmai kon natua, dá mosia in noḻibó kon murí-Nea mita, “Nongonu in moiko sin nongaanbí noyotakin in mononagi kon pajak bo intau mita inta diá mopia?”

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

OUMAN IN RASUL MITA 23:9

Dá nobobayowandon totok in mosia. Tongonumai in intau inta mototundú kon agama takin intau mita in Parisi, sinimindog kon muna bo nomayow totok. Mosia in noguman nanaa, “Intau tanaa in topiḻikmai yo diábí kinouḻían nami kon taḷá. Degá totuubí kon oyúon in roho andeka malaekat inta ain nosingog kon inia!”

OUMAN IN RASUL MITA 25:7

Naonda in ki Paulus noiyaputdon in yuang pinosidangan, intau mita in Yahudi inta namangoi mita nongkon Yerusalem sinimindog iḻimibu kon inia, bo yagi-yagidon in pinonapud monia kon inia. Táe mosia in diá nokouḻí kon bukti in onu inta pinonapud monia tua kon inia.