MATIUS 14:9 - Alkitab Singog In Mongondow Masa In Tanaa

⁹ Nokodongogmai kon inta inigum in adí tatua, norobonoḷ totok in gina i Herodes. Táe lantaran sia nongibotdon muna kon tayowon mokokiangoinea mita, dá pinotabáneadon sinbá duduian in onu in pinoigum in adí tatua.

MATIUS 14:9 ပူးပေါင်းရင်းမြစ်များ

MOHOHUTUBA 5:2

Mokakit in mohawatir, mokodugang kon tumogoindop kon inta diá mopia. Mokakit in mosingog, mokodugang doman kon tosingogon inta diá in mangaḻenea.

MATIUS 14:1

Kon wakutu intua nodapotdon in habar mita kon i Herodes, datu in Galilea soaḷ bayongan inta inaidan i Yesus.

MATIUS 14:10

Binayáneadon pinoki pongko in uḷu i Yohanes inta kon ponjara.

MATIUS 14:5

Sabanarnea ki Herodes in moibog moḻimod kon i Yohanes, táe sia in moondok kon intau moantó inta nonganggap kon ki Yohanes tua in tobatúbí nabi.

MATIUS 14:8

Popisí in pinakisa i inánea, dá adí bobay tatua in noguman, “Tududon uḷu i Yohanes mobobaptis kon baki bo ogoidon kon inakó kon naa!”

MARKUS 6:14

Habar mita soaḷ bayongan inta nobaḻí tua noiyaput domandon kon i Datu Herodes, sin tangoi i Yesus kinotaauandon totok in intau kon ondakadon. Oyúon in noguman, “Ki Yohanes Mobobaptis in nobiagdon bui! Tuamai oyúon in kawasa-Nea mogaid kon inta mokoherang.”

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.

MARKUS 6:26

Nokodongogmai kon oigum tatua, norobonoḷ in gina i Herodes. Táe musti tarimaannea intua sin nongibotdon in sia kon tayowon in mokokiangoinea.

LUKAS 13:32

Táe ki Yesus in noguman kon i monia, “Bayádon bo poguman kon intau tatua inta moibog momoguyaat kon tomayá i Allah, ‘Singgai naa bo ikoḷom akuoi in moguntun kon dimukud moraat bo mongundam kon intau mita notakit, táe kon singgai intoḷunea, Akuoi in mongingguputdon kon oaidan-Ku.’

HAKIM MITA 11:39

Naonda in notompodon doyowa nobuḷan, minayádon bui in sia kon i amánea, bo inaidandon i amánea in onu inta ain pinodandinea kon i Tuhan. Dá minatoidon in mongodeaga tatua kon dodai in diápa kobuḷoi. Tuabí in pinomangkoian kon nongonu sin kon yuak in intau in Israel, biasamai

HAKIM MITA 21:1

Kon tungkuḷ in intau in Israel noyosipun kon Mizpa, mosia in nodandidon kon i Tuhan kon diábí in tobatúmai in kon sigad monia in mobogoi kon i adí monia bobay inta pobuḷoion in intau in Benyamin.

SAMUEL 1 14:24

Kon singgai tatua intau mita in israel moḻemédon popisí in gogoyon, sin ki Saul in nongibotdon nanaa, “Kutukondon in intau inta mokaan kon onuka kon singgai in naa kon dodai in akuoi diápa motuḻí kon musungku.” Tuamai in diá tobatúmai in intau in nongaan in tosinggai tua.

SAMUEL 1 14:28

Onda intua tontara tobatú inta kon sigad mita in tontara tatua noguman kon inia, “Kami komintan in diádon kodaya sin gogoyon. Táe ki amá i Tuang ain nonontot kon inami takin ibot, kainia, ‘Kutukondon in intau inta nongaan kon singgai in naa.’ ”

SAMUEL 1 25:22

Igumon mako ki Allah in moḻimod kon inakó aka diá ḻimodonku komintan in bayongan ḷoḷaki kon tua kon dodai in mata in singgai momukádon!”

SAMUEL 1 28:10

Bo ki Saul in nongibot, kainia, “Podoyon kon i Tuhan inta nobiag, modandi in akuoi kon iko in diábí hukumon popisí in mogaid kon soaḷ tanaa.”