MATIUS 14:6 - Alkitab Singog In Mongondow Masa In Tanaa

⁶ Tongá kon dodai in kinotompodan umur i Herodes, adí bobay i Herodias nomanari kon yua-yuak in mokokiangoi bo noposanang kon gina i Herodes,

MATIUS 14:6 ပူးပေါင်းရင်းမြစ်များ

KINOBAḺIAN 40:20

Toḷu nosinggai noiduduimai kon tua in singgai kinotompodan umur i datu, bo sia nogaid kon rame moḷoben sin pogoiníannea kon bayongan pogawainea. Sia nomarenta sinbá mopoposadia in oinumonnea bo intau inta mopoposadia in kaanonnea poḷuaidon kon bonu in ponjara bo diaan kon tayowon in bayongan pogawai in komaḻig.

ESTER 2:18

Nopaḷut mako kon tua, ki datu in nomia kon rame moḷoben sin pohoromatan kon i Ester bo nogoiní kon bayongan in pogawainea bo intaunea mita moḷoben. Sia in nopotaau kon singgai pogogaian kon bayongan in dodatuan bo nosilai-silai mako kon tombuinag inta mobayong totok.

MATIUS 14:3

Sin ki Yohanes ain pinoki domok bo pinoki tokig i Herodes bo binonunea kon ponjara. Soaḷ tatua noyotogot in persoalan i Herodias, ki buḷoi i Pilipus ki utatnea.

MATIUS 14:7

dá ki Herodes in nongibot kon mobogoi in onukabí in igumonnea.

MATIUS 22:24

“Pak Guru, ki Musa in noguman, kon aka tobatú intau bo minatoi bo sia in diápa kogadí, dá ki utatnea in musti mobuḷoi kon i baḷunea tatua sinbá oyúon in buí i utatnea tatua.

MARKUS 6:14

Habar mita soaḷ bayongan inta nobaḻí tua noiyaput domandon kon i Datu Herodes, sin tangoi i Yesus kinotaauandon totok in intau kon ondakadon. Oyúon in noguman, “Ki Yohanes Mobobaptis in nobiagdon bui! Tuamai oyúon in kawasa-Nea mogaid kon inta mokoherang.”

MARKUS 6:17

Sin kon wakutu in diápa intua, ki Herodes ain nopotabá kon intau modomok kon i Yohanes, bo bonuon kon ponjara. Pinonjara i Herodes in ki Yohanes, sin popisí in nonoboḷow kon inia soaḷ mononibuḷoi kon i Herodias inta ki buḷoi i Pilipus ki utatnea tontaní,

MARKUS 6:19

Manangka intua ki Herodias umuran notagú kon yaat in ginanea kon i Yohanes, dapot ibogonnea ki Yohanes in ḻimodon, táe diánea kino aidan sin umuran ḷamboian i Herodes.

MARKUS 8:15

Ki Yesus in noguman kon i monia, “Mokopoingat in moiko kon ragi in intau mita in Parisi bo ragi i Herodes.”

LUKAS 13:31

Kon wakutu intua tongonumai degá intau in Parisi namangoi bo noguman kon i Yesus, “Bayádon! Taḷaaidon in tampat tanaa! Bayádon in tampat ibanea mako, sin ki Herodes in monomayá mako moḻimod kon ini-Mu.”

LUKAS 23:11

Ki Herodes bo tontaranea mita nopoyambá bo noningkuḻe kon i Yesus. Pinopopakéan monia in ḷambung Datu in Sia, onda intua pinoki dia bui monia minayá kon i Pilatus.

LUKAS 23:7

Naonda in kinotaauanneadon kon ki Yesus intaubí nongkon wilayah i Herodes, baḷunea bo pinoki dia in Sia minayá kon i Herodes. Wakutu intua ki Herodes kon Yerusalem doman.

LUKAS 3:1

Kon taong impuḷú bo ḻima kon pinomarentaan i Kaisar Tiberius, wakutu in ki Pontius Pilatus nobaḻí gubernur kon butá in Yudea bo ki Herodes in datu kon Galilea, ki Pilipus ki utatnea in datu kon Iturea bo kon Trakhonitis, ki Lisanias in datu kon Abilene.

LUKAS 3:19

Tongá naonda in sia nonoboḷow kon i Herodes, datu in Galilea inta mongibog kon i buḷoi i utatnea ki Herodias, bo nonogur doman kon oaidnea mita ibanea inta diá mopia.

LUKAS 8:3

ki Yohana, inta ki buḷoi i Khuza, bendahara i Herodes; ki Susana, bo nobayongpa doman in bobay ibanea. Onu in pakéon monia kon tungkuḷ in nobantung kon i Yesus bo kon murí-Nea mita, sinanggungbí monia tontaní.

OUMAN IN RASUL MITA 12:1

Kon wakutu intua ki Datu Herodes nomangkoidon momogutú kon bayongan jamaat.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.