MATIUS 14:31 - Alkitab Singog In Mongondow Masa In Tanaa

³¹ Dá siningkap i Yesus in ḻima-Nea, bo poḷat noguman kon i Petrus nanaa, “Ei intau inta diá totok mopirisaya. Nongonu sin moḻia-ḻiawbí in ginamu?”

MATIUS 14:31 ပူးပေါင်းရင်းမြစ်များ

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

MAZMUR 138:7

Kon tungkuḷ in akuoi kinoantugan in susa, Iko in noḷukad kon kobiaganku. Iko in nonayow kon musungku inta koyogot in sinumorú bo pinosaḷamat-Mu in akuoi pinongin kawasa-Mu.

YESAYA 63:12

Kon onda in ki Tuhan inta koyot-yotakin i Musa takin ḻima-Nea inta moropot motorindog, bo nomotak kon tubig kon tayowon monia sinbá tangoi-Nea in kotaauandon modapot in mononoi?

MATIUS 14:30

Táe naonda in nokorasamai kon tompot nogirup, noondok in sia dá tumaḷom-tumaḷomdon in sia bo kinumarakdon in sia, “Tuhan, tuḷungaipa in akuoi!”

MATIUS 14:32

Onda intua sinumakoidon in taya dua kon uangga bo tompot nogogaidon.

MATIUS 16:8

Bo naonda in kinotaauan i Yesus onu in yogot monia yosingogon tua. Sia in noguman, “Nongonu sin moiko in noyosingogbí kon soaḷ diá in roti? Ei intau mita inta diá mopirisaya!

MATIUS 17:20

Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MATIUS 6:30

Dá aka ki Allah bo nobogoi kon inta mopia kon bungang mita inta singgai naa oyúon bo ikoḷom in tubáan. Yo tantú moikobí in kotabi-tabi-Nea! Táe moiko in diá totok mopirisaya!

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MARKUS 1:31

Dá ki Yesus minayá dinimiug kon i guyá i Simon poḷat nokadai kon ḻimanea sinbá mobangon. Kon dodaipa doman tua bo nopia in patúnea, bo baḷúdon in bobay tatua bo nogoḷud kon kaanon kon imonia.

MARKUS 1:41

Dá notabi in ki Yesus kon intau tatua, dá kinadaian-Nea intau tatua bo poḷat noguman, “Motabi in Akuoi, yo kopiadon!”

MARKUS 11:23

Dá totuu kon moiko in motaaubí moguman kon buḷud tanaa, ‘Pobuatdon bo ḷabúdon kon bonu in dagat!’ bo mobaḻíbí doman intua kon i monimu; asaḷ bo diá moḻia-ḻiaw in gina monimu, bo mopirisaya in moiko kon onu inta siningog monimu tua in totu-totuubí mobaḻí.

MARKUS 16:7

Dá bayádon tanaa mako bo potaau in habar tanaa kon murí-Nea mita, kon i Petrus doman. Poguman nanaa, ‘Sia inumunadon kon i monimu minayá in Galilea. Bain kon tua bo ontongon monimu in Sia, ná inta ain pinoguman-Nea kon i monimu.’ ”

MARKUS 4:40

Bo ki Yesus in noḻibó kon murí-Nea mita, “Nongonu sin moondokbí in moiko? Nongonu sin diábí in moiko mopirisaya kon i-Nakó?”

MARKUS 5:41

Kinadaian i Yesus ḻima in adí tatua poḷat noguman kon adí tatua, “Talita kum,” mangaḻenea, “Adí bobay, poguman-Ku kon inimu: pobangondon!”

LUKAS 24:34

Noiyaputmai kon tua mosia in noguman nanaa, “Totuubí kon ki Tuhan aindon nobiag bui! Sia ain nokipogontong kon i Simon!”

OUMAN IN RASUL MITA 4:30

Tuḷungaipa in kami sinbá intau mita nongotakit modait mopia bo onu inta diá motaau aidan in intau, yo mobaḻí sin kawasa bo ropot inta pinodoyon kon tangoi i Yesus, simpaḷ-Mu inta ain piniḻí-Mu tua.”

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.