MATIUS 14:30 - Alkitab Singog In Mongondow Masa In Tanaa

³⁰ Táe naonda in nokorasamai kon tompot nogirup, noondok in sia dá tumaḷom-tumaḷomdon in sia bo kinumarakdon in sia, “Tuhan, tuḷungaipa in akuoi!”

MATIUS 14:30 ပူးပေါင်းရင်းမြစ်များ

DATU MITA 2 6:15

Nopoikoḷomai kon singgai, doḷo-doḷom totok naonda in bobantung i Elisa nobangon bo iḻumuai, inontongnea in tontara in Siria nongopung kon kotá tatua notouḷut doman in kabaḷo bo kereta in parang monia. Dá, nobui minayá in sia kon i Elisa bo noguman, “Mobodito in kita, Tuang! Onu in aidan naton?”

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

MATIUS 14:29

Ki Yesus notubag, “Angoidon!” Dá ki Petrus noponag kon uangga, bo minayá kon i Yesus nongin tudu in tubig.

MATIUS 14:31

Dá siningkap i Yesus in ḻima-Nea, bo poḷat noguman kon i Petrus nanaa, “Ei intau inta diá totok mopirisaya. Nongonu sin moḻia-ḻiawbí in ginamu?”

MARKUS 14:38

Sia in noguman doman kon i monia, “Umuran poḷukad bo posambayang sinbá diá kosobaan in moiko. Totuubí kon rohomu i moibogbí mogaid kon inta mobanar, táe diá mokosanggup in moiko sin tabiat in tapú naa moyangkó.”