MATIUS 14:29 - Alkitab Singog In Mongondow Masa In Tanaa

²⁹ Ki Yesus notubag, “Angoidon!” Dá ki Petrus noponag kon uangga, bo minayá kon i Yesus nongin tudu in tubig.

MATIUS 14:29 ပူးပေါင်းရင်းမြစ်များ

MATIUS 14:28

Bo ki Petrus in noguman, “Aka Iko bo totuu kon ki Yesus, yo oiníka in akuoi mamangoi kon ini-Mu mongin tudu in tubig.”

MATIUS 14:30

Táe naonda in nokorasamai kon tompot nogirup, noondok in sia dá tumaḷom-tumaḷomdon in sia bo kinumarakdon in sia, “Tuhan, tuḷungaipa in akuoi!”

MATIUS 17:20

Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MATIUS 21:21

Ki Yesus notubag kon i monia, “Poguman-Ku kon i monimu, aka moiko bo totu-totuu mopirisaya bo diá mohawatir, yo moiko in deemanbí tongá motaau mogaid kon ná inta pinomia-Ku kon pangkoi in ara tatua, táe moiko motaaubí doman moguman kon buḷud tanaa, ‘Pobuatdon nongkon tampatmu tanion bo koḷabúdon kon bonu in dagat’; yo mobaḻíbí doman intua.

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

LUKAS 17:6

Tubag i Tuhan, “Aka oyúon in pirisaya monimu tongákabí ná koḷoben in batoḷ in sesawi, yo moiko in motaaubí moguman kon pangkoi in kayu inta moḷoben tatua, ‘Korabutdon in iko bo kobiagdon kon bonu in dagat,’ dá pangkoi in kayu tatua in dumuduibí doman kon singogmu.”

OUMAN IN RASUL MITA 3:16

Bo popisí in intau tanaa nopirisaya kon tangoi i Yesus dá tuata in nokoroton kon intau inta inontong monimu tanaa. Popisí in intau tanaa nopirisaya kon i Yesus dá nosehatdon bui in sia kon tayowon monimu komintan.

SURAT I PAULUS KON JAMAAT RUM 4:19

Kinotaauan bidon i Abraham tungkuḷ intua, kon diá bidon kumaan kon akaḷ aka sia bo mokouḻípa kon buí, sin nogoguyangdon in sia, bo umurnea in modiugdon mogatut notaong; natua doman in ki Sara, ki buḷoinea tua, in bantó, tongá umuran moḷoben in pirisaya i Abraham.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.