MATIUS 14:25 - Alkitab Singog In Mongondow Masa In Tanaa

²⁵ Degá jam intoḷuneadon modiug mobayag namangoidon in ki Yesus kon i monia takin minaya-mayá kon tudu in tubig.

MATIUS 14:25 ပူးပေါင်းရင်းမြစ်များ

AYUB 9:8

Binuká-Nea in toḷungayá bo diábí in notuḷung; iritakan-Nea in ḻikud in naga in dagat.

MAZMUR 104:3

bo noposindog in Baḷoi-Mu kon tudu in tubig kon ḷangit. Goḷom mita binaḻí-Mu kereta-Mu, Iko in sinumakoi kon koḻikip in tompot.

MATIUS 24:43

Tongá bá kotaauan monimu in nanaa: Aka kitogi baḷoi bo mokotaau kon toonu in mononakow mamangoi, tantú moḷukadbí in sia, sin diábí pomayánea mako in baḷoinea tua in bongkaron.

MARKUS 13:35

Tuamai in moiko musti umuran kiḷuka-ḷukadmai, sin diábí kinotaauan monimu mongo toonu in ki togi baḷoi mobui mangoi – moḷoḷabung, ande moonggot kon doḷom, ande modiug mobayag, ande bagu momuká in mata in singgai.

MARKUS 6:48

Indoian-Nea mako moyoyigadon totok monia in mobotoi sin mosia noyogintontomu in tompot. Tuamai degá kon sigadmai in jam nogintoḷu bo jam noginggonom modiug mobayag namangoi in Sia kon i monia, táe minaya-mayábí in Sia kon tudu in tubig. Bo Sia kinumudung minayá naonda bo taḻibannea i mosia.

LUKAS 12:38

Bo momujur domandon in bobantung mita inta kinotambakanmai i tuangnea umuranpa mogoḷat mako umpaka sia mamangoi moonggotdon kon doḷom andeka modiugdon mobayag!

YOHANES 6:19

Naonda in noyayúdon pinobotoian monia, degá ḻima ande onomdon nokilo in binayáan monia, mosia in nokoontong kon i Yesus nopoangoi in uangga takin minaya-mayá kon tudu in tubig. Mosia in totokdon noondok.

WAHYU 10:2

Sia kokada-kadai in ḻitodan buk mointok inta noibuká mako. Sioḷnea koḷanan in nomuntuk kon dagat bo sioḷnea koḷoigi in nomumtuk kon toba.

WAHYU 10:5

Bo malaekat inta inontongku in sioḷnea nomuntuk kon dagat bo kon toba nopotonggó in ḻimanea koḷanan kon ḷangit.

WAHYU 10:8

Noiduduimai kon tua singog inta ain dinongogku nongkon soroga tua in nosingog bui kon inakó. Kainia: “bayádon gamá in ḻitodan buk inta ain noibuká mako tatua kon ḻima in malaekat inta nomuntuk kon dagat bo kon toba tua.”