MATIUS 14:20 - Alkitab Singog In Mongondow Masa In Tanaa

²⁰ Mosia komintan in nongaan dapot in nobotug. Onda intua sinipun mita in intau in ki agat in roti tatua; nosipun magí mopuḷúpa bodoyowá nokompé in nopuḻing.

MATIUS 14:20 ပူးပေါင်းရင်းမြစ်များ

IḶUAIAN 16:12

“Akuoi ain nokodongog kon gomong-gomot in intau Israel. Pogumandon kon i monia: kon ḷoḷabungnea mosia in mokaanbí kon ponoyá, bo doḷo-doḷom mosia mokaan kon roti modapot in mobotug. Dá kotaauandon monia kon Akuoibí in ki Tuhan, ki Allah monia.”

IḶUAIAN 16:8

Ki Tuhan mobogoi kon i monimu in ponoyá kon dodai in ḷoḷabungnea, bo roti kon dodai in doḷo-doḷom modapot in moiko mobotug, sin ain dinongog i Tuhan kon moiko in sinumorú kon i-Nia. Totuubí kon aka moiko tumorú kon inami, yo moiko in naondabí bo sinumorú kon i Tuhan.”

AMSAL 13:25

Intau inta mopia tantúbí oyúon in pakéonnea, táe intau moraat umuran kodaitan.

IMAMAT 26:26

Moiko in kodaitan in kaanon, dá naa in mobaḻí: Bobay mopuḷú dongkadon tobatú in doḷuong sin potubáan kon roti inta kaanon monia. Kaanon tatua in pobuion doman, bo naonda in mokaan mako, umuranpa doman gogoyon in moiko.

HAGAI 1:6

Moiko in noponimboidon in nobarong in bibit, táe bungai in boyómu tongá topiḻik. Oyúon in kaanon monimu, táe diá mokobotug kon sianmu. Oyúon in anggur kon i monimu, táe diá mokoorop kon ginamu. Oyúon in ḷambung monimu, táe diá mokoinggamá kon tumpingmu. Bo tondan in pinogaidan in mogogaid in diá tugat pakéon kon kobiagan monia moiduduimai.

MATIUS 14:21

Intau nongaan noyotakin dodai intua degá ḻimamai noribu in ḷoḷaki, diápa pinoyoiap in bobay bo mongoadí mita.

MATIUS 15:33

Murí-Nea mita in noguman kon i-Nia: “Kon ondabí in kouḻían naton kon kaanon inta tugat kaanon in intau mita tanion, apapa doman kita naa noyayú kon ḻipú?”

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.

LUKAS 1:53

Sia mobogoi in bayongan inta mopia kon intau mita inta ginogoy, táe intau mita inta nooyúon poguntunon-Nea bo diá ogoian in onu bo onu.

LUKAS 9:17

Mosia nongaan komintan dapot in nobotug. Onda intua sinipun monia in ki agat mita in roti tatua. Nosipun magí yo mopuḷúpa bodoyowá nokompé.

YOHANES 6:7

Ki Pilipus in notubag, “Aka roti bo tongá boḻi in doyowa nogatut doit saḷaka yo diábí tugat pokaan kon intau mita tanion, umpakabí tongá poyopiḻikon mako.”