MATIUS 14:19 - Alkitab Singog In Mongondow Masa In Tanaa

¹⁹ Bo pinoki ḻitúan-Nea in intau moantó tatua kon tudu in bonok. Bo naonda in ginamá-Nea in roti ḻima bo toyá doyowa tatua, iḷumangag in Sia kon ḷangit bo nomarakat. Bodongka nomonsi-monsig kon roti tatua bo inogoi kon murí-Nea mita pinoki silai kon i monia. Murí-Nea mita in nosilai magí mako kon intau moantó tua.

MATIUS 14:19 ပူးပေါင်းရင်းမြစ်များ

MATIUS 14:18

Ki Yesus in noguman, “Diadon mangoi kon naa.”

MARKUS 6:39

Bo pinoki ḻitúan i Yesus in bayongan intau tatua kon butá inta oyúon bonok. Mosia kinolo-kolompó.

MARKUS 6:41

Onda intua ki Yesus nogamá kon roti ḻima tatua takin toyá doyowa, bo iḷumangag kon ḷangit nopoyaput in sukur kon i Allah. Nopaḷut mako kon tua, binosi-bonsig-Nea in roti tatua bo pinoki silai kon intau mita tatua. Ná doman tua in toyá doyowa tatua sinila-silai doman mako kon i monia komintan.

MARKUS 7:34

Nopaḷut mako kon tua iḷumangag kon ḷangit in ki Yesus bo nogina noropot poḷat noguman kon intau tatua, “Epata,” mangaḻenea, “Kobukatdon!”

LUKAS 22:17

Onda intua binuat-Nea in palo pongonginuman kon anggur bo nosambayang nopoyaput in sukur kon i Allah. Nopaḷut mako Sia noguman, “Gamá in naa bo silai-silaidon mako;

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”

LUKAS 24:30

Kon wakutu in ḻimitúdon mongaan moyotakin monia, ki Yesus in nogamá kon roti, bo nopoyaput in sukur kon i Allah poḷat nomonsi-monsig kon roti tatua, bo inogoi kon i monia.

LUKAS 9:14

(Aka iaponmai in intau kon tua, yo degá ḻimamai noribu in kobayongnea komintan intau ḷoḷaki.) Dá ki Yesus in noguman kon murí-Nea mita, “Pokiḻitúaidon komintan in mosia kolo-kolompóon, tokolompok toḷoḻimamai nopuḷú in intau.”

LUKAS 9:16

Onda intua ginamádon i Yesus in roti ḻima bo toyá doyowa nobungá tatua, bodongka iḷumangag kon ḷangit bo nosukur kon i Allah. Onda intua binonsi-bonsig-Nea in roti tatua bo inogoi kon murí-Nea mita pinoki silai kon intau moantó tatua.

YOHANES 11:41

Dá pinosídon monia in batu tatua. Onda intua ki Yesus iḷumangag kon ḷangit bo nosingog, “Sukur moantó Amá, sin ain inindongogan-Mu in Akuoi.

YOHANES 6:23

Noiduduimai kon tua tongonumai uangga nongkon kotá in Tiberias namangoi bo sinumubu kon diug in tampat pinokaanan kon intau moantó kon roti naonda in ki Tuhan nopoyaput in sukur.

OUMAN IN RASUL MITA 27:35

Nopaḷut mako nosingog kon natua ki Paulus in nogamá kon roti bo nosukur kon i Allah kon tayowon monia komintan. Onda intua sinila-silaineadon mako in roti bodongka nongaan.

SURAT I PAULUS KON JAMAAT RUM 14:6

Intau inta nonantú kon oyúonbí in singgai inta totok moponting, tua in inaidannea sin mohoromatbí kon i Tuhan. Intau inta nokaan kon bayongan in yagi-yagi, tua in lantaranbí doman sia mohoromat kon i Tuhan, sin sia in mosukur kon onu inta inogoi kaanon tua. Natua doman, intau inta tongá mokaan kaanon inta ain sinantúnea motaau kaanon, yo intau tatua in mohoromatbí doman kon i Tuhan bo mosukur kon i Allah.

KORINTUS 1 10:16

Kon dodai in nonginum kon anggur bo nosukur kon i Allah, tua mangaḻenea notobatú bidon i Kristus in kita kon bonu in kinopatoian-Nea? Bo kon dodai in nosilai kon roti in kita sin kaanon moyotakin, yo tua in mangaḻenea notobatúdon takin awak i Kristus in kita?

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

KORINTUS 1 11:24

bo naonda in sinambayangan-Nea in roti tatua poḷat binonsi-bonsig-Nea bo noguman, “Naa in awak-Ku inta posarakan kon i monimu. Aidai in naa sinbá umuran kotoropan monimu in Akuoi.”

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.