MATIUS 14:13 - Alkitab Singog In Mongondow Masa In Tanaa

¹³ Naonda in ki Yesus nokodongog kon habar tatua, Sia nonaḷámaidon kon tampat tatua bo iyumayú, sinumakoi in Sia kon uangga bo minayá in tampat inta noingongow. Táe naonda in kinodongogan in intau moantó nomatuk in mosia, táe nongin toba nongkon ḻipú mita monia.

MATIUS 14:13 ပူးပေါင်းရင်းမြစ်များ

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 14:12

Onda intua murí mita i Yohanes Mobobaptis namangoi nogamá kon awaknea bo binayá iḷobong. Nopaḷut mako noḷobong mosia minayá nopotaau in soaḷ tatua kon i Yesus.

MARKUS 1:35

Nopoikoḷomai kon singgai, subupa, nobangondon in ki Yesus bo iḷumuai. Sia minayá in tampat inta noitontaní bo nosambayang kon tua.

LUKAS 4:42

Naonda in modiugdon mobayag, ki Yesus nonaḷámai kon kotá tatua bo minayá in tobatú tampat inta moingongow totok. Táe mulaidon bo sinayak monia in Sia, bo naonda in noyodungkuḷ monia, inampagan monia in Sia kon bá diápa monaḷámai kon i monia kon tua.