MATIUS 13:55 - Alkitab Singog In Mongondow Masa In Tanaa

⁵⁵ Aka diá moyotaḷá yo Siabí naa inta ki Adí i bas? Bo ki iná-Nea in ki Maria degá; ki utat-Nea in ki Yakobus, ki Yusup, ki Simon, bo ki Yudas?

MATIUS 13:55 ပူးပေါင်းရင်းမြစ်များ

MAZMUR 22:6

Mosia in nokuani kon ini-Mu bo pinosaḷamat-Mu; mosia in nongamang bo diá pinokudai.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

MATIUS 27:56

Kon sigad monia tua, oyúon doman in ki Maria Magdalena, bo ki Maria inta ki iná i Yakobus bo i Yusup, bo ki buḷoi i Zebedeus.

MARKUS 15:40

Kon tua oyúon doman tongonumai in bobay inta noindoi nongkon noyayú kon bayongan inta nobaḻí tatua. Kon sigad monia tua oyúon in ki Salome, ki Maria Magdalena bo ki Maria ki iná i Yakobus inta nobagupa bo i Yoses.

MARKUS 15:47

Wakutu intua ki Maria Magdalena bo ki Maria ki iná i Yoses nonarukiramai mongo pinouḻid naonda in mayat i Yesus.

MARKUS 6:3

Deemanbí Sia naa inta ki Adí i bas bo i Maria, bo ki utatnea in ki Yakobus, ki Yoses, ki Yudas bo ki Simon? Oo, sedang bo ki utat-Nea mita bobay nogutun doman kon naa.” Tuamai diá sinarima monia in Sia.

LUKAS 1:27

Pinotabá-Nea in malaekat tatua minayá kon tobatú mongodeaga inta ain kinantangan i Yusup, buí i Daud, ki Maria tangoi in bobay tatua.

LUKAS 24:10

Tangoi in bobay mita inta nopotaau kon dumodudui i Yesus mita tua in ki Maria Magdalena, ki Yohana bo ki Maria inta ki iná i Yakobus bo bobay doman mita ibanea inta noyotakin monia.

LUKAS 3:23

Ki Yesus in nomangkoidon nogaid kon oaidan-Nea wakutu in Sia umurdon degá toḷu nopuḷú notaong. Kain intau Sia naa in ki adí i Yusup, inta ki adí i Eli,

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

LUKAS 8:20

Dá oyúon in intau nopotaau kon i-Nia, “Ki iná bo ki utat i Pak Guru tua kon ḷuai, mosia moibog moyodungkuḷ i Pak Guru.”

YOHANES 19:25

Kon diug in kayu inta pinopopakúan kon i Yesus, sinimindog kon tua ki iná i Yesus, ki utat bobay i iná-Nea, ki Maria ki buḷoi Klopas, bo ki Maria Magdalena.

YOHANES 6:42

Mosia in noguman, “Sia naa in ki Yesus, ki adí i Yusup toh? Kinotaauanbí nami in ki iná bo ki amá-Nea! Yo nongonu sin Sia in mogumanbí, kon Sia in noponag nongkon soroga?”

YOHANES 9:29

Kinotaauanbí nami kon ki Allah ain nobogoi in pirman-Nea kon i Musa. Táe aka Intau tatua, diábí kinotaauan nami in asaḷ-usuḷ-Nea.”

GALATIA 1:19

Tongá akuoi in diábí noyodungkuḷ in rasul mita ibanea koḻikudbí in ki Yakobus, ki utat i Tuhan Yesus.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,