MATIUS 13:51 - Alkitab Singog In Mongondow Masa In Tanaa

⁵¹ “Komangaḻean monimu in singog-Ku tua?” Mosia notubag: “Oo, komangaḻean nami!”

MATIUS 13:51 ပူးပေါင်းရင်းမြစ်များ

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 13:19

Batoḷ inta noḷabú kon daḷan tua mangaḻenea in intau inta nokodongog kon Pirman kon naonda in ki Allah momarenta, táe diá kinomangaḻean monia. Kon tua namangoidon in Ibilis bo nogagow kon inta ain inambor kon bonu in gina monia.

MATIUS 13:50

Bo intau mita inta moraat tokoḷumbúon-Nea kon yuak in tuḷu; kon tua mongombaḷ in mosia bo mororiga.”

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”

MATIUS 15:17

Diá kotaauan degá monimu kon onu inta kinaan monimu komintanbí moidapot in sian bodongka pointaḷú bui?

MATIUS 16:11

Nongonu sin diábí kinotaauan monimu kon deemanbí roti imakusud-Ku naa? Táe Akuoi in moguman kon i monimu kon mokopoingatdon kon oaid in intau in Parisi bo Saduki.”

MATIUS 24:15

“Moiko in mokoontongbí kon ‘aid moraat inta mokorimumud’, ná inta pinoguman i Nabi Daniel, simindog kon tampat motusi. (Paraḷu indoian in intau mita inta mobaca: tarukira totok in mangaḻenea!)

MARKUS 4:34

Ki Yesus umuran nomaké in poumpamaan aka motundú kon intau mita tatua. Táe aka kon murí-Nea mita, yo daiton-Neabí insilangan.

MARKUS 7:18

Dá ki Yesus in noguman, “Dá umpaka yo diápa doman komangaḻean monimu? Umpaka yo diá komangaḻean monimu kon inta kinaan in diábí mokonajis kon intau?

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.