MATIUS 13:47 - Alkitab Singog In Mongondow Masa In Tanaa

⁴⁷ “Natua doman, aka ki Allah momarenta yo naonda bo landará inta binukayad kon danow, bo nokosipun kon norupa-rupamai in toyá.

MATIUS 13:47 ပူးပေါင်းရင်းမြစ်များ

YEHEZKIEL 47:10

Nongkon bokaká mita in tubig kon En-Gedi nodapot kon bokaká mita in tubig kon En-Eglaim, bingkínea mita in moramebí in mododomok mita kon toyá inta mogilad kon ḷaḷa monia kon tua. Noyagi-yagimai in toyá in oyúonbí in kon bonu in tubig tatua, naonda bo inta kon bonu in Dagat Toyuak.

MATIUS 13:44

“Aka ki Allah momarenta, yo naonda: Bo kapunyaan inta noiḷobong kon gobá inta nouḻí in intau, bodongka iḷobongnea bui. Popisí in pia in ginanea, dá minayádon in sia bo nopotaḷui in bayongan kapunyaannea bo sinaḷuineadon in gobá tatua.”

MATIUS 13:46

Naonda in nouḻínea in mutiara inta totok in mogaga tatua, ḷagi in sia minayá bo nopotaḷui in bayongan kapunyaannea, bodongka notaḷui kon mutiara tatua.”

MATIUS 13:48

Naonda in nopuḻing, landará tatua inugut pinobayá in pintad. Bo mosia iḻimitú bo nopoyotondí in toyá mita tatua: Inta nongopira in binonu kon tampayang táe inta diá nongopira in iḷumbú.

MATIUS 4:19

Ki Yesus noguman kon i monia: “Koḻigai, duduidon kon i-Nakó, sinbá moiko in baḻíon-Kudon mololandará kon intau.”

MARKUS 1:17

Ki Yesus in noguman kon i nayadua, “Duduidon kon i-Nakó, bá baḻíon-Kudon in moiko mololandará kon intau.”

LUKAS 5:10

Natua doman in yobayatnea, ki Yakobus bo ki Yohanes inta ki Adí mita i Zebedeus. Dá ki Yesus in noguman kon i Simon, “Dika moondok, sin nongkon tanaa mako, iko in baḻíon-Kudon mololandará kon intau.”

YOHANES 15:2

Pomuḷoi in tanga kon i-Nakó inta diá momomungai, pongkóon-Nea, bo pomuḷoi in tanga inta momungai, gaatannea in daunnea bo daritan-Nea sinbá modugangdon modatog in bungainea.

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

OUMAN IN RASUL MITA 20:30

Modapot in oyúon doman in intau mita kon sigad monimu in mobaḻí mopopotaau in habar inta diá totuu. Mosia in mogaid kon natua sinbá intau mita inta ain nopirisaya kon i Yesus in moiḷaḻe bo dumudui kon i monia.

KORINTUS 1 11:19

Tongá oyúonbí doman in pianea kon tua, sinbá koontongandon in intau inta totu-totuu nobaḻí Keresten.

KORINTUS 2 11:26

Kon bonu in bobayáanku mobayong totok kodungkuḷanku in soaḷ mita inta mokoondok: oyúon inta mokouma kon ḷunud, moyodungkuḷ in intau moraat, moyogintayow in romú intau in Yahudi bo intau deeman Yahudi, moyotayow in bahaya mita inta mobaḻí kon kotá bo kon ḷuai in kotá, inta bahaya mita kon dagat bo moyotayow in intau mita inta mongaku notobatú kon pirisaya kon i Yesus, bokaka bo diábí.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

WAHYU 3:1

“Paisdon kon malaekat in jamaat Sardis, nanaa: Nanaa in koyow nongkon i-Nia inta kitogi roho pitu nongkon i Allah bo inta kitogi tundi pitu tua. Kinotaauan-Kubí onu in pinomia monimu: Moiko nion sinangoian nobiag, táe sabanarnea in minatoi bidon!