MATIUS 13:41 - Alkitab Singog In Mongondow Masa In Tanaa

⁴¹ Adí Intau nopotabá kon malaekat-Nea mita mosipun kon bayongan inta mokopoḷaḻe, bo komintan intau inta nogaid kon moraat kon bonu in Dodatuan-Nea.

MATIUS 13:41 ပူးပေါင်းရင်းမြစ်များ

SAMUEL 2 23:6

Táe intau inta diá motoindudui kon i Tuhan naonda bo dugi inta pinogambat. Diá motaau kadaian in intau;

ZEPANYA 1:3

bayongan in intau bo bobiagon, moitakin doman in ḷagapan bo toyá. Intau moraat in yompaton-Kubí. Bayongan umat intau in yompaton-Kubí, diábí tobatúmai in intau in pomayá-Ku mako in mobiag. Akuoi, ki Tuhan, ain nosingog.

MATIUS 13:49

Natua doman mobaḻí kon Singgai Tumi, malaekat mita in mamangoi bo mopoyotondí kon intau mita inta moromú bo intau inta mopia.

MATIUS 18:7

Totuu kon mobodito in dunia naa popisí in totundú inta mokopopisí kon intau mita baradosaan. Memang oyúonbí in wakutu pogaidan kon mokobaradosa kon intau, táe moboditodon in intau inta mogaid kon tua!

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

MARKUS 13:27

Sia in mopotabábí in malaekat-Nea mita sin mosipun kon umat inta ain piniḻí-Nea nongkon siku mita in dunia naa, nongkon popod mita in dunia mopobayá in popod in ḷangit.”

SURAT I PAULUS KON JAMAAT RUM 2:16

Natuata in mobaḻí kon singgai inta ain sinantú tua. Kon Singgai tatua, podudui in Habar Mopia inta pinoyaputku naa, ki Allah pongin i Yesus Kristus mohakim kon bayongan inta noibuni kon bonu in gina bo raian in bayongan intau.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.