MATIUS 13:39 - Alkitab Singog In Mongondow Masa In Tanaa

³⁹ Yo saturu inta noporarit in bibit in padang tatua, siata in Ibilis. Bo aka wakutu moratab, yo tua in Singgai Pangabisannea, bo inta mororatab mita tua in malaekat.

MATIUS 13:39 ပူးပေါင်းရင်းမြစ်များ

DANIEL 7:10

bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

YOËL 3:13

Mosia in totuubí moraat; ratabdon in mosia naonda bo gandum inta ain noḷutú kon gobá. Runtaiaidon in mosia naonda bo anggur kon bonu in pomomugutan kon anggur inta nopuḻing modapot in moiḻimpó.

MATIUS 12:32

Bo aka intau mosingog kon pomaḷawang kon Adí Intau, sia in ampunganpabí, táe aka sia bo momaḷawang kon Roho i Allah, yo sia in diábí motaau ampungan in tanaa mako andeka kon aherat!”

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 13:25

Táe kon dodai in intau norosiugdon, namangoi in saturunea bo noporangkap in bibit in padang kon sigad in gandum mita tatua, nopaḷut mako sia minayá.

MATIUS 13:28

Ki togi gobá tatua notubag, ‘Oyúon intau mosaturu in namangoi bo noporarit intua.’ Dá bobantungnea mita tatua in noḻibó, ‘Tuang, motaau degá bayáan nami rabuton in padang mita tatua?’

MATIUS 13:40

Naonda bo padang tatua sinipun bo sinubá kon bonu in tuḷu natua doman kon Singgai Tumi.

MATIUS 13:49

Natua doman mobaḻí kon Singgai Tumi, malaekat mita in mamangoi bo mopoyotondí kon intau mita inta moromú bo intau inta mopia.

MATIUS 24:3

Wakutu in ki Yesus iḻimitú kon tudu in Buḷud Zaitun, murí-Nea mita namangoidon kon i-Nia bo nongonguman-Neamai. Kai monia. “Pogumandon kon inami, mongó toonu in tua komintan mobaḻí bo onu in tanda kon koangoian-Mu bo tanda in kopaḷutan dunia naa?”

MATIUS 25:31

“Aka ki Adí Intau mamangoi saḷaku Datu bo sinakinan in malaekat mita, yo Sia in ḻimitú kon tampat pomarentaan-Nea.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

KORINTUS 2 11:3

Táe moḻia-ḻiawpa in ginaku sin dika-dika bo moitabat in raian monimu bo diádon motoindudui kon i Kristus, naonda bo ki Hawa koḻipod inta kinoakaḷan in uḷag.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.

EPESUS 2:2

Wakutu intua moiko in dinumudui kon kabiasaan mita in dunia naa; tua in mangaḻenea moiko in dinumudui kon mongongawasa kon baḷangon, tuata in roho inta masai naa nongawasa kon gina in intau mita inta diá motoindudui kon i Allah.

IBRANI 1:2

Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.