MATIUS 13:37 - Alkitab Singog In Mongondow Masa In Tanaa

³⁷ Sia in notubag, “Intau inta nogambor kon bibit mopia tua in ki Adí Intau.

MATIUS 13:37 ပူးပေါင်းရင်းမြစ်များ

YESAYA 28:28

Kon dodai in moḻintog kon gandum, diábí tantú bobakannea modapot in morimumud. Diábí! Kinotaauanneabí in poḷoḻintog moitutui inta poḷat tumakoi kon roda kon tudunea tongá diábí morimumud kon batoḷ mita in gandum tatua.

MATIUS 10:40

“Ki ine in notarima kon i monimu, sia tua in notarima doman kon i-Nakó. Bo ki ine in notarima kon i-Nakó, sia in notarima doman kon i-Nia inta nopotabá kon i-Nakó.

MATIUS 13:24

Ki Yesus in bui nongonguman kon i monia, kon tobatú poumpamaan, kai-Nia, “Aka ki Allah momarenta, yo naonda bo intau inta nogambor kon bibit inta mopia kon gobánea.

MATIUS 13:27

Dá namangoidon in simpaḷ mita i togi gobá tatua bo noguman, ‘Tuang, kinotaauan nami in bibitbí inta nopira in inambor i tuang kon gobá? Dá degá nongkon ondabí in padang mita tatua?’

MATIUS 13:4

Kon wakutu in sia nogambor oyúon batoḷ in noḷabú kon bingkí in daḷan. Bo ḷagapan in namangoi bo kinaannea nodait intua.

MATIUS 13:41

Adí Intau nopotabá kon malaekat-Nea mita mosipun kon bayongan inta mokopoḷaḻe, bo komintan intau inta nogaid kon moraat kon bonu in Dodatuan-Nea.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

YOHANES 13:20

Naa in poguman-Ku kon i monimu: Ki ine in motarima kon intau inta pinotabá-Ku, yo sia in notarima kon i-Nakó. Bo ki ine in motarima kon i-Nakó, yo Sia tua in notarimadon kon i-Nia inta nopotabá kon i-Nakó.”

YOHANES 20:21

Bo ki Yesus in noguman kon i monia bui, “Salam dodamean bo kobiagan motompia kon i monimu. Ná ki Amá nopotabá kon i-Nakó, yo natua doman in Akuoi mopotabá kon i monimu.”

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

SURAT I PAULUS KON JAMAAT RUM 15:18

Akuoi in diábí mobarani in mosingog kon ibanea mako, koḻikudbí in soaḷ inta ain inaidan i Kristus inta pinotonsigad-Nea kon inakó; pinaké-Nea in akuoi modia kon bangusa mita ibanea (deeman Yahudi) sinbá mosia in mamangoi bo dumuduidon kon i Allah. Tua pinomiaku deemanbí tongá singog táe takinbí doman oaid,

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.