MATIUS 13:35 - Alkitab Singog In Mongondow Masa In Tanaa

³⁵ Makusud-Nea, bá motompodon Pirman inta pinoguman in nabi nanaa, “Akuoi in moibog motundú táe momaké in poumpamaan; Akuoi in moibog mongonguman kon inta nongoibuni pinangkoipamai kon dunia naa binaḻí.”

MATIUS 13:35 ပူးပေါင်းရင်းမြစ်များ

MAZMUR 49:4

Akuoi in mopoyaputbí in tosingogon mita inta mobijaksana, onu in kon raianku naa totuubí modaḷom.

MAZMUR 78:2

Akuoi in moibog mopoyaput in tangkí bo poumpamaan, bo moginsilang kon tangkí dungkuḷmai,

YESAYA 42:9

Tanaa in inta sinoḻindap-Ku in noniatadon; Akuoi in moibog mopotaau in onu inta mobagu; kon dodai intua diápa mobaḻí, aindon muna pinoguman-Ku kon inimu.”

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MATIUS 13:14

Mosia tua in pinonompodan kon onu inta pinoguman i Nabi Yesaya, nanaa, ‘Ki Allah in noguman: Mosia in umuran mokidongog, táe diá momangaḻe; mosia in umuran monarukiramai táe diá monotaau kon onu inta nobaḻí.

MATIUS 13:3

Bo mobarong in sinundú-Nea kon i monia táe nomaké in poumpamaan. Sia in nongonguman nanaa. “Tobatú intau monononggobá minayá bo nogambor.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MATIUS 5:2

Kon tua ki Yesus nomangkoi notundú kon i monia:

LUKAS 10:14

Táe kon singgai ponantúan, ḻipu in Tirus bo Sidon in mogampa-gampang ampungan i Allah dika in moiko.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

OUMAN IN RASUL MITA 15:18

inta ain nopotaau intua komintan nongkon dungkuḷpamai.”

KORINTUS 1 2:7

Kabijaksanaan inta poyaputku naa in nongkon i Allahbí. Kabijaksanaan tatua in diápa kinotaauan in bayongan intau kon dunia naa, táe munadon sinadia i Allah wakutu in diápa inaidan-Nea in dunia, sinbá mosanang in kita.

EPESUS 3:5

Koḻipod, onu inta noibuni tatua diá kon dodai in onda in pinotaau kon intau, táe tanaa, ain pinoniata in Roho i Allah kon rasul mita bo kon nabi-Nea mita.

EPESUS 3:9

bo akuoi in pinaké doman i Allah mogaid kon oaidan tatua sinbá bayongan in intau monotaau kon naonda in pinogogaid i Allah inta nomia kon dunia naa, mogaid kon tomayá-Nea inta binuni-Nea kon dunia naa nongkon tungkuḷ intua.

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

WAHYU 17:8

Mahaḷuk tatua nokoimontan bidon in nobiag in koḻipod, táe masai naa in diádon, tongá topípabí bo ḷumuai in sia nongkon tampat pohohukuman kon irang bo sia in mopobayádon in tampat koyoyangan. Intau mita kon dunia naa inta diá pinais in tangoi monia kon bonu in buk intau nobiag mulaipa kon dunia naa diápa pinomia, yo moherangbí aka mokoontong kon mahaḷuk tatua. Sin mahaḷuk tatua koḻipod in pernabí nobiag, táe tanaa in diá bidon, tongá buidon moitukat.