MATIUS 13:30 - Alkitab Singog In Mongondow Masa In Tanaa

³⁰ Pomayá mako in kobiagannea modapot in wakutu porataban. Sin kon wakutu in porataban pogumankudon kon intau mita inta mororatab: Tokosipundon muna in padang mita tatua bo bogot kon pangkoinea mita, sin tubáan. Onda intua sipundon in gandum mita, tatua kon ontagku.’ ”

MATIUS 13:30 ပူးပေါင်းရင်းမြစ်များ

SAMUEL 2 23:7

diábí tobatúmai in intau in moibog moḻiai aka diá kokada-kadai in kayu andeka uatoi. Intau mita tatua in moyompat kaanon in tuḷú.

AYUB 39:12

Degá pirisayaanmu in sia mosipun kon bungai in boyómu, bo modia pobayá in tampat duḷangmu?

YESAYA 17:5

Israel in nádon onda bo gobá kon Repaim inta nopaḷutdon iratab in gandumnea, bo dongkadon topiḻik in ki agatnea.

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

MATIUS 13:25

Táe kon dodai in intau norosiugdon, namangoi in saturunea bo noporangkap in bibit in padang kon sigad in gandum mita tatua, nopaḷut mako sia minayá.

MATIUS 13:29

‘Táe,’ sia noguman, ‘donaai sin dika bo moitakin doman in gandumnea kon wakutu in porabutan kon padang tatua.

MATIUS 25:32

Bo bayongan intau in sipunon kon tayowon-Nea bo poyotontaníon-Nea i mosia naonda gombala mopoyotontaní in domba bo bembé.

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

LUKAS 3:17

Digu kokada-kadai-Neadon sin poguaban kon gandum dapot in modarit. Gandum inta nodaritdon tontaníon-Nea bo tagúon kon tampatnea, táe bayongan pangkoinea in tubáan-Nea kon bonu in tuḷu inta diá mopio-piong!”

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

TIMOTIUS 1 5:24

Dosa in tongonumai intau, wakutu in diápa sidangon koontongan bidon motarang. Táe dosa in intau ibanea bain koontongan aka mopaḷutdon sidangon.

SAMUEL 1 25:29

Aka oyúon in intau monubu kon i Tuangku bo monungkuḷ moḻimod kon i Tuangku, dá ki Tuangku in notantú bidon kon ḷukadan i Tuhan Allah naonda bo kapunyaan inta iḷukadan i toginea. Táe musung i Tuangku in pogambatdon i Tuhan koyayúon, pogambat-Nea naonda bo koyayú in kogambatan in katipol.