MATIUS 13:27 - Alkitab Singog In Mongondow Masa In Tanaa

²⁷ Dá namangoidon in simpaḷ mita i togi gobá tatua bo noguman, ‘Tuang, kinotaauan nami in bibitbí inta nopira in inambor i tuang kon gobá? Dá degá nongkon ondabí in padang mita tatua?’

MATIUS 13:27 ပူးပေါင်းရင်းမြစ်များ

MATIUS 13:25

Táe kon dodai in intau norosiugdon, namangoi in saturunea bo noporangkap in bibit in padang kon sigad in gandum mita tatua, nopaḷut mako sia minayá.

MATIUS 13:26

Naonda in gandum tatua moḷobendon bo nomangkoidon ḷumondut kinoontongandon doman in padang mita tatua.

MATIUS 13:28

Ki togi gobá tatua notubag, ‘Oyúon intau mosaturu in namangoi bo noporarit intua.’ Dá bobantungnea mita tatua in noḻibó, ‘Tuang, motaau degá bayáan nami rabuton in padang mita tatua?’

MATIUS 20:1

“Pomomarenta i Allah naonda bo poumpamaan tanaa: Oyúon ki togi gobá, subupa sia aindon iḷumuai bo notayak kon intau mita inta pokiaidan kon gobá in anggurnea.

SURAT I PAULUS KON JAMAAT RUM 16:17

Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

KORINTUS 1 16:10

Aka ki Timotius mamangoi yo kopiaanbí in motomu, sinbá diá moondok in sia bo mopia in ginanea kon yua-yuak monimu, sin sia tua in notongkaikubí, tumpaḷa mogogaid kon oaidan i Tuhan.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

KORINTUS 2 6:4

Táe naabí in popoontong nami kon bayongan in intau, onukabí in aidan nami, yo pinoniatabí nami kon kami in totu-totuubí mogogaid mita kon oaidan i Allah. Sin bayongan in yoyiga ain bidon nodait nami sinarima takin gina moonow:

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.