MATIUS 13:23 - Alkitab Singog In Mongondow Masa In Tanaa

²³ Bibit inta noḷabú kon butá mopia, tua in mangaḻenea intau inta nokodongog kon Pirman bo nonotaau kon mangaḻenea. Manangka intua sia nomungai, oyúon inta mogatut noguntuḷ, oyúon in onom nopuḷú noguntuḷ, bo oyúon doman in toḷu nopuḷú noguntuḷ.”

MATIUS 13:23 ပူးပေါင်းရင်းမြစ်များ

YEHEZKIEL 18:31

Gogaiaidon in bayongan inta moraat inta inaidan monimu bo pomayádon mako in gina bo raianmu motomobagu. Nongonu sin moiko in mustibí matoi?

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

MATIUS 12:33

“Aka pangkoinea bo kai in monimu mopia, yo bungainea in mopiabí doman. Tongá aka pangkoinea, kai monimu bo diá mopia, dá diá doman mopia in bungainea. Sin bungaineabí tua in ponandaan kon pangkoinea.

MATIUS 13:8

Táe oyúon doman in noḷabú kon butá inta nopia bo sia in nomungai; oyúon mogatut noguntuḷ, oyúon in onom nopuḷú noguntuḷ, oyúon doman in toḷu nopuḷú noguntuḷ in bungainea.”

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

MATIUS 3:8

Poponiatapa muna kon oaid monimu kon moiko aindon totu-totuu nogogai in mogaid kon dosamu mita.

MARKUS 10:15

Torop in naa! Ki ine in mayá tumayow kon i Allah bo diá ná mongoadí mita tanaa, yo sia in diábí mobaḻí umat i Allah.”

MARKUS 4:20

Bo bibit inta noḷabú kon butá inta mopia, tua in ibarat intau mita inta nokidongog kon habar tatua bo sinarimanea. Mosia in nomungai nodatog. Oyúon in toḷu nopuḷú, oyúon in onom nopuḷú, bo oyúon doman in mogatut noguntuḷ in kobarong in bungainea.”

LUKAS 13:9

Dika-dika bo taong moiduduimai naa momungai in sia. Táe aka diápa doman yo pupuḷonku bidon.’ ”

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

LUKAS 8:8

Táe oyúon doman in noḷabú kon butá mopia. Bibit tatua in nobiag nopira bo nomungai nodatog totok. Bungainea in mogatut noguntuḷ in kobayongnea.” Nopaḷut mako nongonguman kon natua, Sia in noguman noropot nanaa, “Ki ine in kobongoḷan yo pokidongog!”

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

YOHANES 8:47

Intau inta nongkon i Allah in mokidongogbí kon singog i Allah. Táe moiko in deemanbí nongkon i Allah, tuamai moiko in doí mokidongog.”

OUMAN IN RASUL MITA 16:14

Tobatú kon sigad monia tua in intau inta mopopotaḷui in kaeng nopars. Ki Lidia in tangoinea. Sia in intau nongkon Tiatira inta totok motoindudui kon i Allah. Tuamai iḻiai i Tuhan in ginanea sinbá tarimaannea onu in pinotaau i Paulus kon inia.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

KORINTUS 2 9:10

Sinadia-Neadon bibit kon intau inta mogogambor bo kaanon kon i naton. Siabí doman inta moposadia in bibit inambor monimu tatua, sinbá bungai in kopopia in gina monimu moguntu-guntuḷ domandon.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

PILIPI 4:17

Tongá soaḷ inta totok in moponting kon inakó in deemanbí tongá motarima kon onu inogoi monimu. Táe ibogonku in mokoontongbí kon bungai mita inta mokodugang kon kauntungan monimu.

KOLOSE 1:10

Dá moiko in mobiagdon podudui in ibog i Allah bo umuran mokosanang kon gina-Nea, sahingga kon bayongan yagi-yagi moiko in umuran mobogoi in bungai inta mopia. Bo pongotahuan monimu soaḷ ki Allah in modugang domandon.

KOLOSE 1:6

Habar nongkon i Allah tatua in noiwayadon kon bayongan dunia naa, bo kobiagan in intau umuran binarakatan in habar tatua, notongkai doman in kobiaganmu ain binarakatan pinangkoipamai in moiko nokodongog kon soaḷ totabi i Allah bo totu-totuu inindongogan monimu intua.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

TESALONIKA 2 2:10

Bayongan akaḷ inta moraat pakéonnea mopoyaying kon intau mita inta mongoputú. Mongoputú in mosia sin doí motarima bo doí doman kon habar mopia inta nongkon i Allah inta mokosaḷamat kon i monia.

IBRANI 4:2

Sin habar tatua in pinotaaudon doman kon i naton notongkai ná kon i monia. Táe habar tatua diá in baragunanea kon i monia, sin wakutu in dinongog monia diá pinirisaya monia intua.

IBRANI 6:7

Butá inta umuran kouyanan bo mobogoi in hasil kon bayongan in pinomuḷa inta baraguna kon intau monononggobá, barakatanbí i Allah in butá tatua.

IBRANI 8:10

Táe tanaa, naadon in dodandian inta pomiaan-Ku takin umat-Ku Israel, Kon singgai mita moiduduimai, Pirman i Tuhan: Popotonop-Ku in hukum-Ku kon bonu in pikiran monia, bo popopais-Ku domandon kon gina monia. Akuoi in mobaḻí ki Allah monia, bo mosia in mobaḻí umat-Ku.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.