MATIUS 12:7 - Alkitab Singog In Mongondow Masa In Tanaa

⁷ Bá kotaauan monimu nanaabí in singog i Tuhan: Koibog-Ku in totabianbí deemanbí onu in pinosumba. Aka kuma bo komangaḻean monimu in tosingogon tatua, yo moiko in diábí mohukum kon intau inta diá kotaḷá.

MATIUS 12:7 ပူးပေါင်းရင်းမြစ်များ

AYUB 32:3

Sia in sinumorú doman kon totakin i Ayub taya toḷu popisí in mosia diádon mokobayow kon i Ayub, umpaka mosia in nopotaḷá kon inia.

MAZMUR 109:31

Sin Sia in moduḷu bo moposaḷamat kon intau bogá nongkon i monia inta mopoḷabú in hukuman matoi kon inia.

MAZMUR 94:21

Mosia in noyopopog monayow kon intau motuḻid, bo mopoḷabú in hukuman matoi kon intau inta diá kotaḷá.

AMSAL 17:15

Ki Tuhan in doíbí kon intau inta mopobanar kon intau moraat, bo inta mopotaḷá kon intau inta diá kotaḷá.

HOSEA 6:6

Ibogon-Ku totok in moiko totokdon in monotaau kon i-Nakó bo umuran motabi kon i-Nakó, dika in motubá in moiko bo moposumba in kuruban kon i-Nakó.

MATIUS 22:29

Ki Yesus in noguman kon i monia nanaa: “Moiko nion noitaḷá in pororai monimu, sin diá kinomangaḻean monimu in bonu in Buk Motusi, bo kawasa i Allah.

MATIUS 9:13

Manangka intua, bayádon bo balajarpa bui mangaḻe in Pirman tanaa, ‘Koibog-Ku in totabianbí, deemanbí onu inta ogoi monimu’. Sin Akuoi namangoi deemanbí mogoiní kon intau noitutui, táe intaubí baradosa.”

MARKUS 12:33

Bo intau in mustibí totu-totuu motabi kon i Allah kon bonu in ginanea, bo kon bonu in raiannea bo ropotnea. Bo mustibí doman in sia motabi kon tumpaḷa intau ná kototabinea kon awaknea tontaní. Tuabí in mopia-pia nongkon mobogoi in sosumba inta kuruban tubáan bo kuruban mita ibanea kon i Allah.”

OUMAN IN RASUL MITA 13:27

sin bayongan intau inta nogutun kon Yerusalem bo itoinea mita in diábí nonotaau kon Siabí tua inta mopoposaḷamat, sahingga ihukumbí monia in Sia nodapot minatoi. Táe hukuman tatua in mogintompodbí kon onu inta ain pinoguman muna in nabi mita inta tantú bacaan monia aka kon singgai in Sabat.

YAKOBUS 5:6

Moiko in mohukum bo moḻimod kon intau mita inta diá kotaḷá, bo mosia in diá momaḷawang kon i monimu.

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.