MATIUS 12:5 - Alkitab Singog In Mongondow Masa In Tanaa

⁵ Andeka diápa binaca monimu kon bonu in buk i Musa onu in taḷá inaidan in imang mita pomuḷoi in singgai in Sabat kon bonu in Baḷoi Tuhan, táe mosia in diábí pinotaḷá?

MATIUS 12:5 ပူးပေါင်းရင်းမြစ်များ

NEHEMIA 13:17

Sinoboḷowku in itoi mita in Yohuda bo siningogku, “Diá kinotaauan degá monimu kon nogaidon in moiko kon inta moraat sin nogaidon kon singgai in Sabat?

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

IMAMAT 24:8

Pomuḷoi in singgai in Sabat musti oyúon in roti inta oḷudon kon bonu in Ḷoḷaigan i Tuhan. Tua in nobaḻí kowajiban in bangusa Israel modapot kon adí bo ompu.

MATIUS 12:4

Sia in sinumuot kon bonu in Baḷoi Tuhan; bo nokaan kon roti inta ain pinosumba kon i Allah, inta aka dumudui kon atorangnea yo tongábí imang in motaau mokaan kon tua, intau ibanea in diábí motaau.

MATIUS 12:6

Akuoi moguman kon i monimu: kon tanaa oyúon in noiḻiu kon Baḷoi Tuhan.