MATIUS 12:46 - Alkitab Singog In Mongondow Masa In Tanaa

⁴⁶ Wakutu in ki Yesus koyogotpa moyosingog takin intau moantó tatua, ki iná bo ki utat-Nea mita ain sinimindog kon ḷuai bo moḷongasi mokipodungkuḷ kon i-Nia.

MATIUS 12:46 ပူးပေါင်းရင်းမြစ်များ

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

MATIUS 12:47

Dá oyúon tobatú intau in noguman kon i-Nia, “Pak Guru, ki iná bo ki utat mita i Pak Guru tua kon ḷuai bo moḷongasi mokipodungkuḷ kon ini-Mu.”

MATIUS 13:55

Aka diá moyotaḷá yo Siabí naa inta ki Adí i bas? Bo ki iná-Nea in ki Maria degá; ki utat-Nea in ki Yakobus, ki Yusup, ki Simon, bo ki Yudas?

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

MATIUS 2:20

“Pobangondon, gamádon Adí tatua bo dia takin ki iná-Nea bo bayádon kon butá in Israel, sin mosia inta moḻimod kon Adí tatua, ain minatoi.”

MARKUS 2:21

Diábí intau in mopoduḷampong in didit mobagu kon ḷambung inta nokoyongandon. Sin didit nobagu inta pinoduḷampong tatua in mobadang bo momerak kon ḷambung koyongan tatua, dá modugangdon moḷoben berak in ḷambung tatua.

MARKUS 6:3

Deemanbí Sia naa inta ki Adí i bas bo i Maria, bo ki utatnea in ki Yakobus, ki Yoses, ki Yudas bo ki Simon? Oo, sedang bo ki utat-Nea mita bobay nogutun doman kon naa.” Tuamai diá sinarima monia in Sia.

LUKAS 1:43

Ki inebí in akuoi naa nodapot in ki iná i Tuhan namangoi noindoi kon inakó?

LUKAS 2:33

Ki iná bo ki amá-Nea noherang totok in nokodongog kon onu in siningog i Simeon kon Adí tatua.

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

LUKAS 2:48

Natua doman in guyanga-Nea. Totok doman noherang in nokoontong kon i-Nia. Dá ki iná-Nea in noguman nanaa kon i-Nia, “Uḻe, nongonu inaidan-Mubí in nanaa kon inami? Noḻia-ḻiawdon totok in gina naminda i amá-Mu in notayak kon ini-Mu!”

LUKAS 2:51

Onda intua ki Yesus nobuidon kon Nazaret noyotakin monia bo umuran dinumudui kon parenta in guyanga-Nea. Bayongan inta ain nobaḻí umuran sinagú i Maria kon bonu in ginanea.

LUKAS 8:10

Dá ki Yesus in notubag, “Moiko aindon inogoian in totabi monotaau kon inta noibuni kon naonda in ki Allah momarenta saḷaku Datu. Táe intau mita ibanea pinopoyaputan táe tongá nomaké in poumpamaan, sinbá umpakabí in mosia monarukiramai, táe diá kotaauan monia onu in mobaḻí; bo umpakabí mosia mokidongog, táe diá komangaḻean monia.”

YOHANES 19:25

Kon diug in kayu inta pinopopakúan kon i Yesus, sinimindog kon tua ki iná i Yesus, ki utat bobay i iná-Nea, ki Maria ki buḷoi Klopas, bo ki Maria Magdalena.

YOHANES 2:1

Doyowa nosinggai noiduduimai kon tua oyúon in pinonikaan kon kotá in Kana kon Galilea, bo ki iná i Yesus in kon tua doman.

YOHANES 2:12

Nopaḷut mako kon tua ki Yesus minayá in Kapernaum noyotakin i iná-Nea, i utat-Nea bo in murí-Nea mita. Mosia in nogutunpa kon tua tongonupamai degá nosinggai.

YOHANES 2:5

Táe ki iná i Yesus in noguman kon simpaḷ mita kon pinonikaan tatua: “Aidaidon in onu in pokiaid-Nea kon i monimu.”

YOHANES 7:10

Naonda in ki utat-Nea mita minayá kon poramean tatua, inumuni-uni mako in ki Yesus bo minayá tontaní.

YOHANES 7:3

Dá ki utat mita i Yesus in noguman kon i-Nia, “Taḷaaidon in tampat tanaa bo bayádon in Yudea, sinbá murí-Mu mita in mokoontong doman kon oaidan-Mu.

YOHANES 7:5

Sin ki utat-Neapa mita tontaní in diápabí doman mopirisaya kon i-Nia.)

OUMAN IN RASUL MITA 1:14

mosia in umuran notobatú kon gina moyosipun sin mosambayang. Mosia in nosambayang takin tongonumai in bobay ná ki Maria inta ki iná i Yesus, bo ki utat mita i Yesus.

KORINTUS 1 9:5

Eta degá diá motaau in akuoi in modia kon i buḷoiku inta mopirisaya kon i Kristus saḷaku takinku kon baya-bayáan mako, ná inta inaidan i utat mita i Tuhan Yesus bo in rasul mita ibanea ná tai Petrus?

GALATIA 1:19

Tongá akuoi in diábí noyodungkuḷ in rasul mita ibanea koḻikudbí in ki Yakobus, ki utat i Tuhan Yesus.