MATIUS 12:45 - Alkitab Singog In Mongondow Masa In Tanaa

⁴⁵ Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

MATIUS 12:45 ပူးပေါင်းရင်းမြစ်များ

IMAMAT 13:20

sin mokitaridi. Aka oḷaap mita tatua nokuriong bo poyuntung inta kon kuḻit tatua nobaḻídon doman nobudó, dá musti poniata i imang tatua kon intau tatua in nonajis. Bituḷ tatua in pinomangkoian panyaki kuḻit inta mokobahaya.

MATIUS 12:24

Táe naonda intau in Parisi nokodongog kon tua, mosia in noguman, “Sia naa nomaké in kawasa i Beelzebul, inta tongguḷu in dimukud mita moraat.”

MATIUS 12:44

Dá sia mosingog nanaa: “Akuoi in buidon mayá in baḷoi inta ain sinaḷaankumai. Bo minayá in sia, kinobayáanneamai in baḷoi tatua diádon in tombonunea, kinaitandon kinodarit bo sinoinutdon kino tompira.

MATIUS 17:21

Táe dimukud moraat ná tanaa in diábí motaau untunon, koḻikudbí in sambayangan bo popuasaan].”

MATIUS 23:15

Koboditodon in moiko mototundú mita kon agama bo intau mita in Parisi! Moiko in intau mita inta mongomunapik! Sin moiko in ḷumoḷan magí mako kon dagat, bo maya-mayá mako kon dunia naa sin motayak kon intau tobatú bo baḻíon dumodudui kon agamamu. Bo naonda in sia mogogai mogaid kon inta moraat, aidan monimu in sia intau in naraka, inta kodua ná moraat monimu tontaní!

MATIUS 23:24

Ei moiko itoi mita inta bilog! Yongit in tapison monimu kon oinumon monimu, táe unta inta kon bonunea in ḻiomon monimu!

MARKUS 16:9

Naonda in ki Yesus nobiag nongkon kinopatoian-Nea, doḷo-doḷom kon singgai in Diminggu, muna-munamai nokipogontong in Sia kon i Maria Magdalena. (Ki Maria naa inta pinopoḷuaian i Yesus in dimukud moraat taya pitu.) Bobay mita tatua minayá kon i Petrus bo kon yobayatnea mita bodongka nongonguman notoyong kon bayongan inta ain pinotaau kon i monia i intau tayowmobiag tatua.

MARKUS 5:9

Ki Yesus in noḻibó kon inia, “Ki ine in tangoimu?” Tubagnea, “Tangoiku ‘ki Legion’ sin mobarong totok in kami!”

LUKAS 11:26

Dá iḷumuai bui in dimukud moraat tatua bo nogoiní kon dimukud moraat ibanea taya pitu inta moraa-raat nongkon inia. Onda intua mosia nogutun kon intau tatua, dá pangabisannea, kaadaan in intau tatua in nodugang moraat nongkon kaadaannea inta muna.”

EPESUS 6:12

Sin kita in moparang deemanbí moyogintayow in intau, táe moyogintayowbí in ropot in bayongan dimukud moraat inta nongawasa kon singgai moraat mita tanaa. Kita in monayow kon ropot in roho mita moraat inta nongawasa kon ḷangit.

IBRANI 10:39

Kita naa in deemanbí umat inta mobaḷu-baḷui in pirisaya bo inta diá koharapan. Táe umatbí inta mopirisaya kon i Allah bo inta posaḷamaton.