MATIUS 12:44 - Alkitab Singog In Mongondow Masa In Tanaa

⁴⁴ Dá sia mosingog nanaa: “Akuoi in buidon mayá in baḷoi inta ain sinaḷaankumai. Bo minayá in sia, kinobayáanneamai in baḷoi tatua diádon in tombonunea, kinaitandon kinodarit bo sinoinutdon kino tompira.

MATIUS 12:44 ပူးပေါင်းရင်းမြစ်များ

HOSEA 7:6

Naonda bo tuḷú kon bonu in doḷuong natuata in niat moraat bo torú monia nonombaga kon bonu in gina monia kinoouput in doḷom, bo naonda in doḷo-doḷom sinumagab nobaḻí dokot in tuḷú inta noborambang.

MATIUS 12:29

Naondabí in intau mokotuot kon baḷoi in tobatú intau moropot bo mogagow kon kapunyaannea, aka diá munanea togoton in intau moropot tatua? Tantú bambí mopaḷut mako togotonnea in intau moropot tatua bodongka kotuotannea in baḷoi tatua bo mogagow kon kapunyaannea.

MATIUS 12:43

Aka dimukud moraat iḷumuai nongkon intau, yo sia i maya-mayá mako in tampat inta noingkag sin motayak kon pogogaiannea. Táe diá nokouḻí in sia.

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

LUKAS 11:25

Bo sia in minayádon bui. Kinobayáanneamai yo baḷoi tatua in nodaritdon sin ain sinimpatan bo totok doman sinompia kinopira.

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

YOHANES 13:27

Naonda in ki Yudas notarima kon roti tatua, ginanea in kinogonúandon in Ibilis. Bo ki Yesus in noguman kon inia, “Aidaidon koḻikat onu in kino ibogmu pomiaan.”

KORINTUS 1 11:19

Tongá oyúonbí doman in pianea kon tua, sinbá koontongandon in intau inta totu-totuu nobaḻí Keresten.

EPESUS 2:2

Wakutu intua moiko in dinumudui kon kabiasaan mita in dunia naa; tua in mangaḻenea moiko in dinumudui kon mongongawasa kon baḷangon, tuata in roho inta masai naa nongawasa kon gina in intau mita inta diá motoindudui kon i Allah.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

YOHANES 1 4:4

Táe uḻe, moiko nion ki Allahbí in kitogi. Sinaḷowdon monimu in intau mita inta deeman totuu nabi, sin Rohobí inta nongawasa kon i monimu in mokawa-kawasa nongkon roho mita inta nongawasa kon intau mita inta nobaḻí kapunyaan in dunia naa.