MATIUS 12:41 - Alkitab Singog In Mongondow Masa In Tanaa

⁴¹ Kon singgai pohakiman, intau mita in Niniwe morobangon bo moyotakin in intau mita masa in naa mohukum kon i monia. Sin intau mita in Niniwe naonda in nokodongog kon inta pinoyaput i Yunus, mosia in nogogai in nogaid kon dosa mita. Bo tanaa inta sinimindog mako noiḻiubí kon i Yunus!

MATIUS 12:41 ပူးပေါင်းရင်းမြစ်များ

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YEREMIA 3:11

Onda intua ki Tuhan nopotaau kon inakó kon umpaka Israel nonoḻikudon kon i-Nia, táe Israel in noniata magí in mopia-piabí kon Yohuda inta diá motoindudui tua.

YUNUS 1:2

Guman i Tuhan, “Bayádon kon Niniwe, kotá moḷoben tatua, sin mongindoyó kon inia, sin kinotaauan-Kudon kon intau mita kon tua in mongoraat totok.”

YUNUS 3:4

Ki Yunus in sinumuot kon kotá tatua bo naonda in minayá nouput in singgai tatua, nomangkoidon in sia nopoyaput in koyow, kainia, “Opatpa nopuḷú nosinggai, bo morimumud in Niniwe!”

MATIUS 12:39

Táe ki Yesus notubag kon i monia, “Intau masa in naa in moraatbí bo inta doí dumudui kon onu inta ain pinoguman, mosia in moibog monuntut kon tanda. Táe mosia in diábí ogoian koḻikudbí in tanda i Nabi Yunus.

MATIUS 12:42

Kon wakutu in Pohakiman, bokí nongkon dotá in Toḷatan mobangon moyotakin in intau masa in naa bo tumakin doman mohukum. Sin bokí tatua in namangoi nongkon popod in dunia sin mokidongog kon totundú i Salomo. Táe kon naa inta sinimindog mako in noiḻiubí kon i Salomo!”

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

MATIUS 12:6

Akuoi moguman kon i monimu: kon tanaa oyúon in noiḻiu kon Baḷoi Tuhan.

MATIUS 16:4

“Intau mita inta moraat bo diá motuḻid in gina tanaa, mopoigum in tanda. Táe mosia in diábí popoontongan intua, koḻikudbí in tanda i Nabi Yunus.” Nopaḷut mako nosingog kon tua, sinaḷaanmaidon i Yesus mosia tua.

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

MATIUS 23:36

Poguman-Ku kon i monimu: Oaidmu mita tanaa in korasaanbí in intau mita masa in tanaa!”

LUKAS 11:32

Kon Singgai Tumi, intau mita in Niniwe mobiagdon bui moyotakin in intau mita masai naa bo mosia in mohukum doman kon i monia. Sin intau mita in Niniwe noibog nogogai in nogaid kon inta moraat kon wakutu in mosia nokodongog kon onu inta pinoguman i Nabi Yunus kon i monia. Táe kon naa, tanaa mako oyúon inta mokawa-kawasa nongkon i Nabi Yunus!”

YOHANES 3:31

Inta namangoi nongkon soroga noiḻiubí nongkon bayongan yagi-yagi. Inta namangoi nongkon dunia noibonubí kon dunia naa bo nongonguman doman kon soaḷ in dunia mita naa. Ki ine inta nongkon omonik Sia in noiḻiubí nongkon bayongan yagi-yagi.

YOHANES 4:12

Ki Yakub mogoguyang nami, ain nobogoi in parigí tanaa kon inami. Bo sia tontaní ain nogamá kon tubig inumonnea nongkon naa; ná doman tua in ki adínea mita bo bobiagonnea mita. Degá ki Tuang in moḷobe-ḷoben nongkon i Yakub?”

SURAT I PAULUS KON JAMAAT RUM 2:27

Bo intau inta diá sinunat tua in mopotaḷá kon i monimu intau in Yahudi, sin oyúondon in hukum agama monimu bo sinunat domandon in moiko, táe moiko tontaní in doíbí dumudui kon hukum tatua. Mosia tua in diábí sinunat táe totu-totuubí dinumudui kon hukum in agama Yahudi.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.