MATIUS 12:4 - Alkitab Singog In Mongondow Masa In Tanaa

⁴ Sia in sinumuot kon bonu in Baḷoi Tuhan; bo nokaan kon roti inta ain pinosumba kon i Allah, inta aka dumudui kon atorangnea yo tongábí imang in motaau mokaan kon tua, intau ibanea in diábí motaau.

MATIUS 12:4 ပူးပေါင်းရင်းမြစ်များ

IḶUAIAN 25:30

Meja tatua in musti poukat kon tayowon in Poti Dodandian, bo kon tudu in meja tatua musti umuran oyúon in roti sosumba.”

IMAMAT 8:31

Onda intua ki Musa noguman kon i Harun bo kon i adínea mita, “Dungúdon in ponoyá kuruban tatua kon tayowon in ngara Ḷoḷaigan i Tuhan. Podudui in parenta i Tuhan, musti kaanon monimu kon tua takin roti kuruban pinomaḻían kon i monimu imang inta binonu kon kompé.

MATIUS 12:3

Táe ki Yesus in notubag, “Degá diápa kinobacaan monimu onu inta inaidan i Daud bo in intau inta dinumudui kon inia wakutu in mosia ginogoy?

MATIUS 12:5

Andeka diápa binaca monimu kon bonu in buk i Musa onu in taḷá inaidan in imang mita pomuḷoi in singgai in Sabat kon bonu in Baḷoi Tuhan, táe mosia in diábí pinotaḷá?

LUKAS 6:4

Sia in sinumuot kon Baḷoi Tuhan bo nogamá kon roti inta ain pinosumba kon i Allah bo kinaannea. Onda intua roti tatua inogoinea doman kon dumoduduinea mita. Bokaka aka podudui in hukum agama naton yo roti tatua in tongábí imang mita in motaau mokaan.”

IBRANI 9:2

Kon ḷoḷaigan tatua in inaidan domandon in tobatú yuang inta sinangoian “Yuang Motusi.” Kon tua oyúon in tampat pototuduan kon togá, bo oyúon doman meja bo roti inta pinosumba kon i Allah.

SAMUEL 1 21:4

Bo imang tatua noguman, “Diá in roti biasa in kon inakó, tongá roti sosumba in oyúon; motaaubí in iko mogamá kon tua, asaḷ bo intaumu mita in diá nosiug takin bobay in nobagumai naa.”

SAMUEL 1 21:6

Bo ki imang tatua in nobogoi in roti sosumba kon i Daud, sin inta oyúon kon inia in tongádon roti inta pinosumba kon i Allah, bo ain ginamá nongkon mezbah sin baḷuiandon in roti inta mobagu. (