MATIUS 12:39 - Alkitab Singog In Mongondow Masa In Tanaa

³⁹ Táe ki Yesus notubag kon i monia, “Intau masa in naa in moraatbí bo inta doí dumudui kon onu inta ain pinoguman, mosia in moibog monuntut kon tanda. Táe mosia in diábí ogoian koḻikudbí in tanda i Nabi Yunus.

MATIUS 12:39 ပူးပေါင်းရင်းမြစ်များ

DATU MITA 2 14:25

Ki Yerobeam II tanaa inta nogagow bui kon bayongan in butá in israel, nongkon daḷan in Hamat kon utuan noidapot in Laut Mati kon toḷatan. Tua in pinodudui kon dandi i Tuhan, Allah in Israel, inta pinongin in mogogundoi-Nea, ki Nabi Yunus ki adí i Amitai intau in Gat-Heper.

YESAYA 57:3

Táe moiko inanakan mogogaid kon dosa, angoidon sin adilon! Moiko in diábí noiḻiu kon mososihir, intau inta moibog monuaḻing bo mopopotaḷui in awak!

YUNUS 1:1

Kon singgai tobatú, ki Tuhan in noguman kon i Yunus, ki adí i Amitai.

MATIUS 16:4

“Intau mita inta moraat bo diá motuḻid in gina tanaa, mopoigum in tanda. Táe mosia in diábí popoontongan intua, koḻikudbí in tanda i Nabi Yunus.” Nopaḷut mako nosingog kon tua, sinaḷaanmaidon i Yesus mosia tua.

MARKUS 8:12

Táe noajar in gina i Yesus, dá Sia in noḻibó, “Nongonu sin intau mita masa in naa mopoigumbí sinbá Akuoi mogaid kon inta mokoherang? Diábí ah! Doíbí in Akuoi mopoontong in tobatúmai in tanda kon i monia!”

MARKUS 8:38

Sin ki inekabí in mooyá popisí Akuoi bo popisí in singog-Ku kon yua-yuak in intau mita inta diá mosatia bo binaradosa naa, yo ki Adí intau mooyá doman popisí in intau tatua aka Sia mamangoidon bui kon bonu in kamuliaan i Amá-Nea takin malaekat mita mokudus.”

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.