MATIUS 12:35 - Alkitab Singog In Mongondow Masa In Tanaa

³⁵ Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

MATIUS 12:35 ပူးပေါင်းရင်းမြစ်များ

AYUB 8:10

Indongogaipa in singog in intau moarip tatua koḻipod, mosia in nobogoi in totundú tanaa kon inimu,

AMSAL 12:6

Tosingogon mita in intau moraat in mokopatoi; tosingogon mita in intau motuḻid in mokosaḷamat.

AMSAL 15:23

Tosingogon mita inta siningog inta noitaná kon wakutunea, mokopoangoi kon sanang in gina.

AMSAL 15:28

Intau mopia morai muna bo mosingog; intau moraat mosingog kon inta moraat.

AMSAL 15:4

Tosingogon mita inta mopia mokoroton kon gina, tosingogon mita inta moraat mokoinggamá kon ibog.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

MATIUS 13:52

Dá ki Yesus in noguman kon i monia, “Pomuḷoi in intau inta monotaau totok kon atorang i Musa bo notarima kon totundú kon naonda in ki Allah momarenta tua, yo sia in naonda bo ki togi baḷoi inta nopoḷuai in pakakatnea nobagu bo inta nokoyongan nongkon tampat inta pinotagúannea.”

MATIUS 7:17

Kotaauanbí aka pangkoinea, bo nopira yo mopira doman in bungainea táe aka pangkoinea diá nopira, yo tantú bungainea in diábí doman mopira.

LUKAS 6:45

Intau inta mopia in mogaidbí doman kon inta mopia sin ginanea in pinuḻingan in inta mopia. Táe intau inta moraat in mogaidbí doman kon inta moraat sin ginanea in pinuḻingan domandon in inta mongoraat. Sin onu inta siningog in bibig yo tua in iḷumuaibí nongkon ginanea.”

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.