MATIUS 12:34 - Alkitab Singog In Mongondow Masa In Tanaa

³⁴ Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

MATIUS 12:34 ပူးပေါင်းရင်းမြစ်များ

MAZMUR 53:1

Kon i itoi in mododondong. Podudui in dondong: Mahalat. Dondong topotundú i Daud.

MAZMUR 64:3

Oḻingoiaipa in akuoi nongkon pinoyopopogan in intau moromú, nongkon tomayá molicik in intau mita moraat.

MAZMUR 64:5

Nongkon pinogadopannea mosia in mopoyaput in ouman mita uboḷ, diábí in ondok monia moponapud in uboḷ kon intau inta diá kotaḷá.

AMSAL 16:23

Raian in intau mopia in mokopomuká kon tosingogonnea mita mobijaksana, bo totundúnea mokoyakindon totok.

AMSAL 4:23

Ḷukadai in ginamu kopira, sin ginamu in monantúbí kon daḷan in kobiaganmu.

YESAYA 32:6

Intau bodok mosingog kon tosingogon inta mobodok bo monomayá kon inta moraat. Onukabí in aidan andeka inta singogonnea in nobaḻí bidon singkuḻe kon i Allah. Diábí kon dodai in onda in sia mobogoi in kaanon kon intau inta gogoyon andeka oinumon kon intau inta morogang.

YESAYA 59:14

Hukum inta moadil in pinosídon, bo inta moadil in pinoyayúdon. Aid motuḻid in diádon pinandungmai kon tampat mita poyoyodungkuḷan, bo gina motuḻid in diádon pinandungmai.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

YESAYA 9:17

Kororaat in bangusa tatua in nonurub naonda bo tuḷú inta noḷeḷep kon dogami. Dokotnea in naonda bo kayuon noturub inta nopodamonik in poyok mobarong.

MATIUS 12:35

Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

MATIUS 15:18

Táe onu in siningog monimu tua in komintanbí nongkon bonu in gina; bo tuatabí inta mokonajis kon intau.

MATIUS 23:33

Ei intau mongoromú moiko in buí in intau moraat! Moiko in diábí mokoḷagui kon pohukuman kon bonu in naraka?

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

LUKAS 3:7

Ki Yohanes in noguman kon bayongan intau inta namangoi nokibaptis kon inia nanaa, “Ei moiko intau moromú! Ki ine in noguman kon moiko in kotaḻiban in hukuman i Allah inta kon singgai moiduduimai naa?

LUKAS 6:45

Intau inta mopia in mogaidbí doman kon inta mopia sin ginanea in pinuḻingan in inta mopia. Táe intau inta moraat in mogaidbí doman kon inta moraat sin ginanea in pinuḻingan domandon in inta mongoraat. Sin onu inta siningog in bibig yo tua in iḷumuaibí nongkon ginanea.”

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

EPESUS 5:4

Ná doman tua, dika mosingog kon inta moromú, inta mokotor bo inta diá in baragunanea. Táe moiko in mustidon mopoyaput in sukur kon i Allah.

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.

SAMUEL 1 24:13

Poigumon mako ki Tuhandon in monantú mongo ki ine in kotaḷá in kitada! Igumon mako ki Tuhandon in motuḻí kon aid i Tuang kon inakó, tongá topiḻikmai akuoi in doíbí mopororiga kon i Tuang Datu.