MATIUS 12:33 - Alkitab Singog In Mongondow Masa In Tanaa

³³ “Aka pangkoinea bo kai in monimu mopia, yo bungainea in mopiabí doman. Tongá aka pangkoinea, kai monimu bo diá mopia, dá diá doman mopia in bungainea. Sin bungaineabí tua in ponandaan kon pangkoinea.

MATIUS 12:33 ပူးပေါင်းရင်းမြစ်များ

YEHEZKIEL 18:31

Gogaiaidon in bayongan inta moraat inta inaidan monimu bo pomayádon mako in gina bo raianmu motomobagu. Nongonu sin moiko in mustibí matoi?

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

MATIUS 23:26

Ei intau mita in Parisi inta bilog! Yuyúaipa muna in bonu in pongonginuman tatua, dá kon dotá in ḷuainea modaritbí doman!

LUKAS 3:9

Boḻiung aindon sinadia mako pomupuḷ kon pangkoi dapot in uakatnea mita. Pomuḷoi in pinomuḷa inta diá mopomungai in bungai inta mopia in toko-pupuḷonbí bo tubáan kon tuḷu.”

YAKOBUS 3:12

Utatku mita, pangkoi in ara diábí in sia mopomungai in zaitun, bo pangkoi in anggur diábí mopomungai in ara. Bokaká in tubig noibung diábí in sia mopoḷuai in tubig inta moḻiau.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!