MATIUS 12:30 - Alkitab Singog In Mongondow Masa In Tanaa

³⁰ Ki ine in diá noyotakin-Ku, sia in momaḷawang kon i-Nakó. Bo ki ine inta doí mogaid moyotakin-Ku yo sia tua in momoguyaat kon tomayá-Ku!

MATIUS 12:30 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

MAZMUR 94:16

Ki ine in moduḷu kon inakó nongkon intau inta diá mopirisaya? Ki ine in dumotá kon inakó monayow kon intau inta nogaid kon inta moraat?

AMSAL 11:24

Oyúon in intau moibog mobogoi, táe modugangbí mooyúon, oyúon in morinut, táe modugang mobiag mobogá.

HOSEA 1:11

Bangusa in Yohuda bo bangusa in Israel in tobatúonbí bui. Mosia in moduíbí kon itoi tobatú, bo mosia in modugangbí bo motomoman bui kon butá monia. Totuu, singgai i Yizréel in mobaḻíbí singgai inta moḷoben!

MATIUS 12:29

Naondabí in intau mokotuot kon baḷoi in tobatú intau moropot bo mogagow kon kapunyaannea, aka diá munanea togoton in intau moropot tatua? Tantú bambí mopaḷut mako togotonnea in intau moropot tatua bodongka kotuotannea in baḷoi tatua bo mogagow kon kapunyaannea.

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

MARKUS 9:40

Sin intau inta diá moḷawang kon i naton, yo sia tua in yotakin naton.

LUKAS 11:23

Intau inta umuran momaḷawang kon i-Nakó, mosaturu kon i-Nakó. Bo intau inta doí moduḷu mogaid kon oaidan-Ku, sia tua in momoguyaat kon oaidan-Ku!”

LUKAS 9:50

Dá ki Yesus in noguman kon inia, “Donaaibí ampagan monimu in sia, sin ki ine in momayow kon i monimu, yo sia tua in yobayat monimu.”

YOHANES 11:52

Bo deemanbí tongá bangusa in Yahudi, táe mosipunbí bo moponobatú kon adí mita i Allah inta noirangkapdon.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

YOSUA 5:13

Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.