MATIUS 12:29 - Alkitab Singog In Mongondow Masa In Tanaa

²⁹ Naondabí in intau mokotuot kon baḷoi in tobatú intau moropot bo mogagow kon kapunyaannea, aka diá munanea togoton in intau moropot tatua? Tantú bambí mopaḷut mako togotonnea in intau moropot tatua bodongka kotuotannea in baḷoi tatua bo mogagow kon kapunyaannea.

MATIUS 12:29 ပူးပေါင်းရင်းမြစ်များ

YESAYA 49:24

Moiko in moḻibó, “Umpaka yo inta nouḻí kon parang in agowon kon ḻima in pahlawan, andeka inta dinakop agowon nongkon ḻima in intau moromú?”

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

MATIUS 12:28

Táe aka Akuoi moguntun kon dimukud moraat takin nomaké in kawasa Roho i Allah. Yo tua in mangaḻenea ki Allah aindon namangoi nomarenta kon i monimu.

MATIUS 12:30

Ki ine in diá noyotakin-Ku, sia in momaḷawang kon i-Nakó. Bo ki ine inta doí mogaid moyotakin-Ku yo sia tua in momoguyaat kon tomayá-Ku!

MARKUS 3:27

Diábí doman tobatúmai intau in mokotuot kon bonu in baḷoi intau moropot bo mogagow kon kapunyaan in intau moropot tatua, aka diáneapa muna togoton in intau moropot tatua. Tantú munaneapabí togoton bodongka kogamaannea in kapunyaan in intau moropot tatua.

YOHANES 1 3:8

Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.

YOHANES 1 4:4

Táe uḻe, moiko nion ki Allahbí in kitogi. Sinaḷowdon monimu in intau mita inta deeman totuu nabi, sin Rohobí inta nongawasa kon i monimu in mokawa-kawasa nongkon roho mita inta nongawasa kon intau mita inta nobaḻí kapunyaan in dunia naa.