MATIUS 12:24 - Alkitab Singog In Mongondow Masa In Tanaa

²⁴ Táe naonda intau in Parisi nokodongog kon tua, mosia in noguman, “Sia naa nomaké in kawasa i Beelzebul, inta tongguḷu in dimukud mita moraat.”

MATIUS 12:24 ပူးပေါင်းရင်းမြစ်များ

MAZMUR 109:20

Tuhan, popoḷabúdon in hukuman kon i inta mopoponapud kon inakó, kon intau inta moguman kon uboḷ soaḷ akuoi.

MATIUS 10:25

Mobaḻídon aka tobatú murí motongkai in gurunea, andeka simpaḷ bo motongkai i tuangnea. Aka ki togi baḷoi bo tangoion ki Beelzebul, yo bambíkabí tombonu in baḷoinea tua.”

MATIUS 9:32

Naonda in intau mita bilog tatua iḷumuai, diniadon mangoi kon i Yesus in intau bobó tobatú inta kinotoḷangan in dimukud moraat.

MATIUS 9:34

Táe intau mita in Parisi in noguman, “Tongguḷubí in dimukud mita moraat in nobogoi in kawasa kon i-Nia moguntun kon dimukud mita moraat.”

MARKUS 3:22

Mototundú mita kon agama Yahudi inta namangoi nongkon Yerusalem noguman, “Kinotoḷangan i Beelzebul in Sia! Itoi in dimukud mita moraat tatua in nobogoi in kawasa kon i-Nia moguntun kon dimukud moraat.”

LUKAS 11:14

Kon singgai tobatú ki Yesus noguntun kon dimukud moraat nongkon intau bobó. Naonda in dimukud moraat tatua iḷumuai kon intau bobó tatua, nokosingogdon in sia. Intau moantó kon tua in nongoherang,

LUKAS 11:15

tongá oyúon in kon sigad monia tua in noguman, “Sia tua in noguntun kon dimukud moraat nomaké in kawasa i Beelzebul, inta itoi in dimukud moraat mita.”