MATIUS 12:19 - Alkitab Singog In Mongondow Masa In Tanaa

¹⁹ Sia in diábí mobobayowan bo diábí doman kumarak, bo diábí dongogon in intau in singog-Nea kon daḷan mita.

MATIUS 12:19 ပူးပေါင်းရင်းမြစ်များ

YESAYA 42:2

Sia in diábí kumarak andeka momaḷú moropot, singognea in diábí kodongogan kon daḷan.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

MATIUS 12:20

Aog inta nokoḷung diábí pongkóon-Nea, bo sumbu inta nokuyoyowdon dokotnea in diábí piongan-Nea. Modapot in atorang mita tatua aidan-Nea;

LUKAS 17:20

Tongonumai intau in Parisi in namangoi bo noḻibó kon i Yesus mongo toonu in ki Allah in mamangoi momarenta. Dá ki Yesus in notubag, “Aka ki Allah momarenta yo diábí pinangkoi kon tanda mita inta koontongan in intau,

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,