MATIUS 12:18 - Alkitab Singog In Mongondow Masa In Tanaa

¹⁸ “Indoiaika, tua in simpaḷ-Ku inta piniḻí-Ku, Bo inta kinotabi-Ku, inta kinosanang in gina-Ku, Roho-Ku in ogoi-Ku kon i-Nia, bo sia in mopotaau in atorang kon bayongan intau.

MATIUS 12:18 ပူးပေါင်းရင်းမြစ်များ

MAZMUR 89:19

Sin mogogoḻingoi nami in intau inta piniḻí-Mu, o Tuhan; datu nami in ki Allah Mokudus in Israel in kitogi.

YESAYA 11:2

Kawasa i Tuhan in mokapit kon inia, mopobaḻí kon inia mopia bo mobijaksana, mopandoi monimpod kon tosingogon bo mopoaid intua; monotaau kon ibog i Allah bo mopirisaya kon i-Nia.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 52:13

Ki Tuhan in noguman, “Totuubí, mogogundoi-Ku in mokodapotbí kon aidannea; sia in horomatonbí bo poḷantudon.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

YESAYA 62:2

Ei Yerusalem, bangusa mita in mokoontong kon kountunganmu, datu mita in moindoi kon koḷoḷobenmu. Iko in tangoion in tangoi mobagu, ki Tuhan tontaní in nobogoi in tangoi tatua.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

ZAKHARIA 3:8

Indongogaidon ei Imang Moḷoben Yosua, bo moiko doman imang mita inta nobaḻí yobayatnea mita, moiko komintan in nobaḻí lambang in singgai moiduduimai inta mopia. Kon singgai tatua Akuoi in mopotabá kon bobantung-Ku inta sinangoi ‘Tokat’.

MATIUS 12:17

Pinongin natua mobaḻídon in Pirman inta ain pinopoyaput i Nabi Yesaya, nanaa,

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MARKUS 1:11

Poḷat kinodongogan in singog i Allah noguman, “Ikobí in ki Adí-Ku inta kinotabi-Ku, Ikobí in kinosanang in gina-Ku.”

MARKUS 9:7

Noiduduimai kon tua, mosia in kinokoḷubungandon in goḷom bo kinodongogan in singog nongkon goḷom tatua noguman, “Naabí in ki Adí-Ku inta kinotabi-Ku. Indongogai in Sia!”

LUKAS 23:35

Intau mita in sinimindog mako kon tua bo moindoimai. Itoi mita intau Yahudi umuran morebeg kon i-Nia takin mosingog, “Sia ain noposaḷamat kon intau ibanea; diábí bo tungkuḷan-Nea in tanaa mako bo posaḷamaton in awak-Nea tontaní aka totu-totuubí kon Sia in Datu Mopoposaḷamat inta piniḻí i Allah!”

LUKAS 3:22

bo Roho i Allah noponag kon i-Nia naonda bo ḷagapan paḷoma. Bo kinodongogandon in singog nongkon ḷangit noguman nanaa, “Iko in ki Adí-Ku inta kinotabi-Ku. Iko in kinoibog-Ku.”

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot

LUKAS 9:35

Bo kinodongogandon in singog nongkon yuak in goḷom tatua in noguman, “Tanaa in ki Adí-Ku inta piniḻí-Ku. Indongogaidon in Sia!”

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 11:18

Naonda in dinongog monia intua, nopiadon in gina monia komintan poḷat nodayow kon i Allah. Kai monia, “Aka natua, dá intau mita inta deeman Yahudi inogoianbí doman i Allah in kasampatan mogogai in mogaid kon dosa mita bo mokouḻí kon kobiagan mononoi!”

OUMAN IN RASUL MITA 14:27

Naonda in noiyaputdon kon Antiokhia, nodait monia sinipun in bayongan jamaat, bo pinongongumanan kon onu inta aindon inaidan i Allah kon i monia. Bo inouman doman monia in totuḷung i Allah nobuká kon daḷan nodapot in intau mita inta deeman Yahudi nopirisaya kon i Yesus.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

KOLOSE 1:1

Utatku mita umat i Allah kon Kolose inta umuran mosatia in motobatú i Kristus! Saḷaku rasul i Yesus Kristus, – inta inoiní i Allah tontaní – akuoi, ki Paulus bo ki Timotius inta ki utat naton, mopoigum mako doa sinbá ki Allah, ki Amá naton in tantú mobogoi in barakat bo kobiagan motompia kon i monimu.

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

PETRUS 1 2:4

Tuamai, angoidon kon i Tuhan. Sia in naonda bo batu inta nobiag, batu inta iḷumbú in intau mita sin inanggap monia diá baraguna; táe piniḻídon i Allah nobaḻí batu inta totok in moponting.

PETRUS 2 1:17

Kon tuabí in kami wakutu in Sia i horomat bo pinomulia i Allah Amá. Kon wakutu intua kinodongogandon in singog nongkon i Inta Totok Momulia, inta noguman kon i-Nia, “Naabí in ki Adí-Ku inta Kinotabi-Ku. Sia in kinosanang in gina-Ku!”