MATIUS 12:15 - Alkitab Singog In Mongondow Masa In Tanaa

¹⁵ Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 12:15 ပူးပေါင်းရင်းမြစ်များ

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

MATIUS 19:2

Intau nobarong totok in dinumudui kon i-Nia, bo kon tua Sia nongundam kon i monia inta nongotakit.

MARKUS 6:56

Kon ondakabí in bayáan i Yesus, kon ḻipú, kon kotá ande kon desa, intau mita in umuranbí doman mopodondon mangoi in intau mita mongotakit. Intau mita motakit tatua uḻidon monia kon tampat moḷuas. Bo totok in poigumon monia kompé intau mita motakit tatua ogoi moḻiai kon jubah i Yesus, umpakabí tongá ubungnea. Komintan intau inta noḻiai nongopia.

LUKAS 5:22

Táe kinotaauan i Yesus in raian monia tatua, tuamai noḻibó in Sia, “Nongonu sin moiko in moraibí kon natua kon bonu in gina monimu?

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

LUKAS 9:11

Táe naonda in kinotaauan in intau mobayong tatua, dinuduian monia in Sia. Dá pinomayá-Neadon mako mosia in dinumudui kon i-Nia. Kon tua ki Yesus nopoyaput in Habar kon naonda in ki Allah momarenta saḷaku Datu bo nongundam doman kon intau mita inta notakit kon tua.

YOHANES 11:54

Tuamai ki Yesus in diádon minayá kon sigad in intau mobayong inta kon sigad in intau Yahudi. Sia in nonaḷámaidon kon Yudea, bo minayá in kotá in Epraim inta kon diug in padang gurun. Sia in nogutun kon tua takin murí-Nea mita.

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

YOHANES 9:4

Kon dodai in nobayagpa, kita in musti mogaid kon oaidan i-Nia inta nopotabá kon i-Nakó. Moiangoibí in doḷom, bo diábí in tobatúmai intau in motaau mogaid.

GALATIA 6:9

Manangka intua donaaibí mokopomaḷat in mogaid kon inta mopia; sin aka kita bo diá mogogai in mogaid kon inta diá mopia, yo korasaanbí doman naton in koonggotannea.

PETRUS 1 2:21

Sin tuabí in mangaḻe pinogoinían i Allah kon i monimu. Sin ki Kristus tontaní ain notarima kon roriga lantaran moiko, bo tua in toḷadanbí kon i monimu sinbá duduian monimu in onu inta pinomia-Nea tatua.