MATIUS 12:12 - Alkitab Singog In Mongondow Masa In Tanaa

¹² Intaubí in moḷobe-ḷoben mangaḻenea aka poyobandingonmai in domba! Tuamai motaaubí in mogaid kon mopia kon singgai in Sabat.”

MATIUS 12:12 ပူးပေါင်းရင်းမြစ်များ

MATIUS 10:31

Manangka intua donaaibí in moiko moondok. Sin moikobí in momaha-mahaḷ in ḷagapan dui-duit mita tatua!”

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

MARKUS 3:4

Onda intua iḻibó i Yesus kon intau mita kon tua, “Aka podudui in agama, onu in motaau aidan naton kon singgai in Sabat? Momia kon mopia andeka moraat? Moposaḷamat kon intau andeka moḻimod?” Mosia komintan nongobió.

LUKAS 12:24

Tarukiraka in ḷagapan kawag! Mosia diábí nogambor bo diá doman nokoyut bo diá doman in ontag inta pototagúan monia kon kaanon. Táe umuranbí doman iḷukadan i Allah! Bambíkabí bo moiko. Moiko in noiḻiubí totok kon ḷagapan mita tatua!

LUKAS 14:1

Kon singgai in Sabat tobatú, ki Yesus minayá nongaan kon baḷoi in intau in Parisi. Intau mita kon tua nonarukiramai kon i Yesus.

LUKAS 6:9

Onda intua ki Yesus in noḻibó kon intau mita kon tua, “Aka podudui in hukum agama naton, onu degá in motaau aidan aka singgai in Sabat? Mogaid kon mopia andeka mogaid kon inta moraat? Moposaḷamat kon intau andeka mopobodito?”