MATIUS 12:10 - Alkitab Singog In Mongondow Masa In Tanaa

¹⁰ Kon tua oyúon intau tobatú inta ḻimanea tosimpaḷ minatoi, dá intau inta moibog motayak kon taḷá i Yesus in noḻibó kon i-Nia, “Degá motaau in mongundam kon intau aka singgai in Sabat?”

MATIUS 12:10 ပူးပေါင်းရင်းမြစ်များ

YESAYA 32:6

Intau bodok mosingog kon tosingogon inta mobodok bo monomayá kon inta moraat. Onukabí in aidan andeka inta singogonnea in nobaḻí bidon singkuḻe kon i Allah. Diábí kon dodai in onda in sia mobogoi in kaanon kon intau inta gogoyon andeka oinumon kon intau inta morogang.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YESAYA 59:4

Moiko in nopongadu in pelekara takin diá in dodoyonan bo nohakim takin diá moadil. Moiko in nonguboḷ bo mopongata kon inta diá in mangaḻenea, moiko in momia kon tomayá sin mopobodito kon intau ibanea bo mogaid kon inta moraat.

ZAKHARIA 11:17

Kinutukdon totok in gombala inta diá baraguna tatua! Sia in nonaḷámaidon kon paanan in dombanea. Parang in mogimpaḷut kon kawasanea. Kokaḷnea in moḻemédon bo mata koḷanannea in mobilogdon.”

MATIUS 12:2

Nokoontongmai kon tua, intau mita in Parisi noguman kon i Yesus: “Indoiaika! Murí-Mu mita nogaid kon onu inta pinoton aidan kon singgai in Sabat.”

MATIUS 19:3

Bo namangoidon intau mita in Parisi kon i-Nia sin monungkuḷ. Mosia in noḻibó nanaa, “Aka podudui in hukum agama, motaau degá in doyowa motonibuḷoi mogogaatan aka oyúon in binaḻí dodoyonan in soaḷ tatua?”

MARKUS 3:2

Kon baḷoi pososambayangan tatua oyúon doman in intau mita inta moibog motayak kon taḷá i Yesus, sinbá oyúon in baḻíon monia dodoyonan popongaduan kon i-Nia. Tuamai in umuran tarukiraan mako monia mongo mongundam doman in ki Yesus kon singgai in Sabat.

LUKAS 11:54

Ḷoḻibó monia tua in tongábí potayakan monia kon taḷá i Yesus, sinbá oyúon in baḻíon monia dodoyonan podomokan kon i-Nia.

LUKAS 13:14

Táe itoi in baḷoi pososambayangan kon tua sinumorú totok in nokoontong kon i Yesus nongundam kon singgai in Sabat. Itoi in baḷoi pososambayangan tatua in noguman kon intau moantó kon tua, “Onom nosinggai in motaau pogaidan monimu, manangka intua angoidon kon singgai mita tatua bo mokiundam, dikabí in kon singgai in Sabat!”

LUKAS 20:22

Tuamai in pogumanka kon inami, aka podudui in hukum agama naton, motaau degá andeka diá in moguboḻi kon pajak kon i Kaisar?”

LUKAS 23:14

bodongka noguman kon i monia, “Moiko in nodia mangoi kon intau tanaa kon inakó poḷat noguman kon intau tanaa aindon notundú kon mokopoḷangkam kon bayongan intau. Tanaa ain pinirikisaku in Sia kon tayowon monimu tontaní, táe diábí in tobatúmai in nouḻíku oaid moraat inta ná pinonapud monimu kon i-Nia.

LUKAS 23:2

Kon tua in mosia mulaidon bo moponapud in tosingogon diá totuu kon i-Nia. Mosia in noguman, “Kinokadapatandon nami intau tanaa in notundú kon diá totuu kon intau moantó. Bo bayongan intau in daiton-Nea pongaruon sinbá doí moguboḻi kon pajak kon i Kaisar, sin kai-Nia Sia in tobatú Datu Mopoposaḷamat.”

YOHANES 5:10

Tuamai itoi mita intau Yahudi in noguman kon intau inta bagu nopia tatua, “Singgai naa singgai in Sabat, tuamai iko in diábí motaau mobingkat kon boḷadmu.”

YOHANES 5:3

Kon tampat pobobarasanangan mita tatua nobayong in intau mita mototakit inta mosiug mako; oyúon in bilog, oyúon in pelong, oyúon in ḻempeng. [Mosia tua in komintan mogoḷat mako kon koḻimbokan in tubig in tabang tatua.

YOHANES 7:23

Aka tua pomiaan monimu sinbá diá moḷawang kon atorang i Musa soaḷ sunat, yo nongonu sin moiko in tumorúbí kon i-Nakó tongá popisí in nongundam kon bayongan awak intau kon singgai in Sabat?

YOHANES 8:6

Ḷoḻibó monia tua in potayakanbí monia kon taḷá i Yesus, sinbá oyúon in baḻíon monia dodoyonan popotaḷáan kon i-Nia. Táe ki Yesus tongá kinumuyung bo nopomais in tononuyú-Nea kon butá.

YOHANES 9:16

Táe tongonumai in intau kon sigad intau mita in Parisi tatua noguman, “Diábí doman intau inta nomia kon soaḷ tatua nongkon i Allah, sin diádon pinandung-Neamai in singgai in Sabat.” Táe intau ibanea in nosingog, “Diábí doman in intau binaradosa bo momia kon soaḷ mita inta mokoherang ná tanaa?” Bo nomukádon in bobayowan kon sigad monia tua.