MATIUS 11:8 - Alkitab Singog In Mongondow Masa In Tanaa

⁸ Andeka moiko mayá mongonu? Degá moindoi kon intau inta nogiḷambung mogaga? Intau inta nogiḷambung mogaga tampatnea kon dodatuanbí.

MATIUS 11:8 ပူးပေါင်းရင်းမြစ်များ

DATU MITA 2 1:8

“Jubah bo bogot in ogotannea in pinomia nongkon kuḻit,” tubag monia. “O, ki Elia intua!” guman i datu.

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

ZAKHARIA 13:4

Kon singgai tatua, nabi mita in angoianbí in oyá in mogaid naonda bo nabi. Mosia in diá bidon mogiḷambung in nabi sin monguboḷ bo dumodia kon oontongon monia.

MATIUS 11:7

Naonda in murí mita i Yohanes nobui, ininsilangandon i Yesus kon intau moantó tatua mongo ki ine in ki Yohanes, kai-Nia: “Onubí in mangaḻenea moiko mayá in padang gurun? Degá moindoi kon bonok inirup in tompot pouik-pountag?

MATIUS 11:9

Dá degá onu mangaḻe in bayáan monimu? Moindoi degá kon nabi? Totuu! Poguman-Ku kon i monimu, sia tua in noiḻiubí kon nabi.

MATIUS 3:4

Ki Yohanes nogiḷambung jubah nongkon bubuḷ in unta. Baannea in nongkon kuḻit, kaanonnea in pangkoḷá bo dilú in kayuon.

LUKAS 7:25

Moiko mayá mongonu? Moindoi degá kon intau inta nogiḷambung mogaga? Intau inta nogiḷambung mogaga bo inta nobiag nooyúon tampatnea in tuabí kon komaḻig!

KORINTUS 1 4:11

Umaai in naa umuranpabí in kami gogoyon bo moyogang in bayongan yagi-yagi; ḷambung dongkadon kon awak bo rorigaanpa doman in intau; bo diá doman kotampat pogutunan;

KORINTUS 2 11:27

Rumopot totok in akuoi in mogaid, dá mokakit in diádon mokoposiug, diádon mokopongaan, diádon mokoponginum, bo mokakit domandon in monahang tonow sin diádon koḷambu-ḷambung pakéon bo diá domandon in baḷoi pogutunan.

ULANGAN 28:54

Modapot in intau moḷoben inta totok in motuḻid in ginanea moinggamá in ropot in ginanea kon bonu in pongopungan tatua, dá sia mokaandon kon i adínea mita tontaní sin diádon in kaanon ibanea. Diádon topiḻikmai in ogoinea kon i utatnea ande kon i buḷoinea inta kinotabinea ande adínea mita inta nobiagpa.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”