MATIUS 11:26 - Alkitab Singog In Mongondow Masa In Tanaa

²⁶ O, Amá, tuata in kinosanang-Mu.”

MATIUS 11:26 ပူးပေါင်းရင်းမြစ်များ

AYUB 33:13

Nongonu sin iko in moponapudbí kon i Allah kon Sia in doí mokidongog kon amui in intau?

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

LUKAS 10:21

Kon wakutu intua doman, noḷungangadon in gina i Yesus, sin kinawasa in Roho i Allah. Ki Yesus in nosingog nanaa, “Akuoi in mosukur kon ini-Mu Amá, Tuhan in ḷangit bo butá sin bayongan intua aindon binuni-Mu kon intau mita inta mopandoi bo mobijaksana, táe aindon pinoontong-Mu kon intau mita inta nongobodok. Tuabí in kinoibog i Amá.

LUKAS 22:42

Nanaa in sambayang-Nea, “Amá, aka motaau, yo poyayúdon kon i-Nakó in roriga tanaa inta musti kobayáan-Ku. Táe deemanbí podudui in ibog-Ku, poduduibí kon ibog i Amá tontaní.” [

LUKAS 23:34

Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.

YOHANES 11:41

Dá pinosídon monia in batu tatua. Onda intua ki Yesus iḷumangag kon ḷangit bo nosingog, “Sukur moantó Amá, sin ain inindongogan-Mu in Akuoi.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

YOHANES 12:28

Amá, pomuliadon in tangoi-Mu!” Dá kinodongogandon in singog nongkon soroga in noguman, “Aindon pinomulia-Ku, bo buipabí doman pomuliaan-Ku.”

SURAT I PAULUS KON JAMAAT RUM 9:18

Dá ki Allah in motabi kon intau inta kinoibog-Nea. Bo popotogaton-Nea in gina intau tobatú aka tua in kino ibog-Nea doman.

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

EPESUS 1:9

Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.

EPESUS 3:11

Tua in inaidan i Allah podudui in tomayá-Nea inta mononoi, inta inaidan-Nea pinongin i Kristus Yesus, Tuhan naton.

TIMOTIUS 2 1:9

Ki Allah in noposaḷamat bo nogoiní kon i naton bá mobaḻí umat inta kinotabi-Nea. Tua in inaidan-Nea, deemanbí pinodoyon kon oaid naton mopia, táe pinodoyon-Neabí kon makusud-Nea tontaní bo totabi-Nea inta pinongin i Kristus Yesus kon wakutupa in dunia naa diápa pinomia.