MATIUS 11:23 - Alkitab Singog In Mongondow Masa In Tanaa

²³ Bo iko Kapernaum, degá kainimu kamai iko in diaanbí mamonik in ḷangit? Diápa, sedang bo moiko in pogonagbí kon naraka! Sin aka soaḷ mita inta mokoherang inta ain nobaḻí kon yua-yuak monimu bo nobaḻí kon Sodom, yo kotá tatua in umuranpabí oyúon nodapot in masa in naa.”

MATIUS 11:23 ပူးပေါင်းရင်းမြစ်များ

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

YEHEZKIEL 26:20

Bo iko in pokidia-Kudon kon dunia in intau minatoi sin moyodugang in intau mita inta dungkuḷmai. Pomayá-Ku mako in iko in mogutun kon dunia in intau minatoi tua, kon yua-yuak in apug mononoi, moyotakin in intau minatoi. Dá butámu in diádon utunan bui, bo iko in diá bidon kotangoian kon sigad in intau nobiag.

YEHEZKIEL 31:14

Tua mita in nobaḻí sinbá pinangkoi kon tanaa, diá bidon in pangkoi in kayu in mobiag ná tatua in koḷantudnea; diá bidon in ḷuntung in kayu inta moitunduḷ in goḷom umpakabí mokouḻí kon tubig inta mobarong. Komintanbí musti matoi ná intau inta ilo-ilow, bo noyosipun in intau mita inta ain noponag kon dunia in intau minatoi.”

YEHEZKIEL 32:18

“Ei intau ilo-ilow, ponogumatoidon kon rayat kon Mesir. Pokidiadon in mosia kon dunia in intau minatoi moyotakin in butá mita intau moropot ibanea.

YEHEZKIEL 32:24

Elam in kon tua doman takin iḻibu in poḷoḷobongan kon tontaranea mita. Diá sinoit, minatoi in mosia komintan kon pinoparangan, bo noponag kon dunia in intau minatoi. Kon tungkuḷ in nobiagpa, mosia in mokoondok, táe tanaa in minatoidon in mosia bo musti mobaba kon oyá moyotakin in intau mita inta ain minatoi kon pinoparangan.

OBAJA 1:4

Umpakabí pomiaanmu in baḷoimu ná koḷantud in pugad in ḷagapan boniá, bo ná koḷantud in tundi mita kon ḷangit, yo iko in notantúbí kon pogonag-Ku.

MATIUS 10:15

Pogumanku kon i monimu! Kon singgai pohakiman, intau mita in Sodom bo Gomora in mogaa-gaan in hukumannea nongkon intau mita tatua!”

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

MATIUS 17:24

Naonda in ki Yesus bo murí-Nea mita noidapot kon Kapernaum, namangoidon in mononagi kon pajak in Baḷoi Tuhan kon i Petrus bo noguman, “Ki Gurumu noguboḻi degá kon pajak in Baḷoi Tuhan andeka diá?”

MATIUS 4:13

Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

MATIUS 8:5

Naonda in ki Yesus tumuotdon kon Kapernaum, namangoi in tobatú porwira kon i-Nia poḷat nopoigum, kainia.

LUKAS 10:15

Bo moiko, Kapernaum! Degá kainimu kamai dá poḷantudonbí in iko dapot in soroga? Bá pogumanku, Diábí! Sedang bo moiko nion in pogonagbí kon naraka!”

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

LUKAS 16:23

Kon dunia in intau minatoi sia mororiga totok. Bo wakutu in sia iḷumangag nongkon tampatnea tatua, inontongnea in ki Abraham, bo ki Lazarus in iḻimitú doman mako kon diugneamai.

LUKAS 4:23

Dá ki Yesus in noguman nanaa, “Tantú nanaabí in singogon monimu kon i-Nakó, ‘Ei mongongundam, undamaidon in awak-Mu tontaní. Bo aidai domandon kon naa, kon ḻipú-Mu tontaní in onu inta ain dinongog nami inaidan-Mu kon Kapernaum!’ ”

OUMAN IN RASUL MITA 2:27

Sin diábí pomayá-Mu mako in rohoku in kotaḷáan kon dunia intau minatoi. Bo diábí doman pomayá-Mu mako in ata-Mu inta umuran kodu-kodudui in moindoi kon koyoyangan in awak.

OUMAN IN RASUL MITA 2:31

Tuamai, pinotaaudon muna i Daud kon Datu Mopoposaḷamat tatua in buibí mobiag. Nanaa in kainia, ‘Sia in diábí pomayá mako in kotaḷáan kon bonu in dunia intau minatoi; awak-Nea in diábí moyoyang bo modait.’

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 11:8

Bo mayat monia moitongkob mako kon daḷan moḷoben kon kotá moḷoben, kon kotá inta pinopopakúan kon i Tuhan monia. Tangoi in kotá tatua aka secara rohani yo Sodom andeka Mesir.

WAHYU 20:13

Bo dagat noposarakan domandon in intau mita inta kon bonunea. Popatoi bo dunianea in noposarakan doman in intau mita minatoi inta kon i monia. Bo intau minatoi mita tatua in komintan pinopoḷabúan in hukuman pinodudui kon oaid monia.

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.