MATIUS 11:21 - Alkitab Singog In Mongondow Masa In Tanaa

²¹ Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.

MATIUS 11:21 ပူးပေါင်းရင်းမြစ်များ

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

YEREMIA 13:27

Akuoi in nokoontongdon kon i monimu in nogaid kon inta kinodoí-Ku. Inontong-Kudon in ilah mita ibanea kon tombuḷudnea bo kon gobá, naonda bo ḷoḷaki tobatú mongibog totok kon i buḷoi bobay in intau ibanea andeka naonda bo kabaḷo koḷakian inta mongibog kon kabaḷo kobaayan. Ei intau in Yerusalem, moboditodon in moiko! Toonu degá in moiko in moiḷuat kon bayongan in inta moraat?”

YOËL 3:4

Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.

MATIUS 11:22

Tongá pokotoropdon, “Kon singgai pohakiman, hukuman kon intau mita in Tirus bo Sidon in mogaa-gaan nongkon hukuman kon i monimu.

MATIUS 15:21

Nobuatmai nongkon tua in ki Yesus, Sia minayá kon ḻipú in Tirus bo Sidon.

MATIUS 18:7

Totuu kon mobodito in dunia naa popisí in totundú inta mokopopisí kon intau mita baradosaan. Memang oyúonbí in wakutu pogaidan kon mokobaradosa kon intau, táe moboditodon in intau inta mogaid kon tua!

MATIUS 26:24

Adí Intau in memang mustibí mayá podudui inta aindon pinais soaḷ Sia, táe moboditodon in intau inta moposarakan kon i Adí Intau tatua. Mopia-piabí in intau natua diá pinononggadí!”

MARKUS 3:8

nongkon Yerusalem, nongkon butá Idumea, nongkon dotá in pomukaan kon Yordan, bo nongkon butá in Tirus bo Sidon. Mosia komintan in namangoi kon i Yesus, sin kinodongogandon monia in bayongan inta inaidan-Nea.

MARKUS 6:45

Nopaḷut mako kon tua ḷagidon pinotabá i Yesus in murí-Nea mita sinumakoi kon uangga bo umunadon kon i-Nia. Mosia pinotabá minayá in Betsaida inta kon ḷoḷan mako in danow, onda intua pinoki pobuian-Neadon in intau moantó tatua.

MARKUS 7:24

Onda intua ki Yesus nonaḷámaidon kon tampat tatua, bo minayá in ḻipú inta kon diug in Tirus. Sinumuot in Sia kon tobatú baḷoi, bo ibogon-Nea in diá kotaauan intau kon Sia in kon tampat tatua. Táe diá notaau nogadop in Sia.

MARKUS 7:31

Onda intua ki Yesus nonaḷámaidon kon butá in Tirus, bo nongingguput kon bobayáan-Nea nongin Sidon nopobayá in Danow Galilea. Sia in nomiḻí kon daḷan nongin daerah inta sinangoian “Kotá Mopuḷú.”

MARKUS 8:22

Mosia noiyaputdon kon Betsaida. Kon tua oyúon in intau tobatú nodia mangoi kon intau tobatú bilog kon i Yesus. Sia nopoigum kon i Yesus sinbá yapuon-Nea in intau bilog tatua bá mopia.

LUKAS 4:26

Tongá umpaka natua yo ki Elia in diábí pinotabá i Allah minayá kon tobatú boba-bobay kon Israel, táe pinotabá-Neabí in sia minayá kon tobatú boba-bobay kon Sarpat kon butá in Sidon.

LUKAS 6:17

Onda intua ki Yesus nosiḻig nongkon buḷud tatua takin rasul-Nea mita, bodongka sinumogon kon tampat inta notondodai. Kon tua nobarong doman in dumodudui-Nea mita ibanea bo intau mita inta namangoi nongkon ḻipú mita inta kon butá in Yudea, Yerusalem, bo kon kotá mita in Tirus bo Sidon inta kon bingkí in dagat.

LUKAS 9:10

Bo naonda in rasuḷ mita inta pinotabá i Yesus nobuidon mangoi, inouman monia kon i Yesus in onu inta ain pinomia monia. Dá dinia i Yesus in mosia minayá sinumontaní kon tobatú kotá, tangoinea kotá in Betsaida. Tongá ki Yesus bo murí-Nea mita in kon tua.

YOHANES 1:44

Ki Pilipus naa intau in Betsaida, kotá inta pinogutunan i Andreas bo i Petrus.

YOHANES 12:21

Mosia in namangoi kon i Pilipus bo noguman, “Utat, aka motaau, dá kami in moibog moyodungkuḷ i Yesus.” (Ki Pilipus naa nongkon Betsaida kon Galilea.)

OUMAN IN RASUL MITA 12:20

Ki Herodes in totokdon sinumorú kon intau mita in Tirus bo Sidon. Manangka intua mosia in noyotakin minayá kon tayowonnea. Muna in mosia nodondouḷug kon i Blastus, inta nobaḻí itoi kon komaḻig i Herodes, dá sinuḷungannea in mosia. Onda intua minayá in mosia kon i Herodes bo nopoigum sinbá moyodamedon, sin kaanon intau mita kon ḻipú monia in tongábí mouḻí nongkon butá inta kon bonu in kawasa i Herodes.

OUMAN IN RASUL MITA 27:3

Naonda in nopoikoḷomaidon kon singgai, noiyaputdon in kami kon Sidon. Mopiabí totok in ki Yulius kon i Paulus. Inogoineabí in sia minaya-mayá mako mokipodungkuḷ kon yobayatnea mita sinbá ogoian monia onu in kaparaḷuannea.

YUDAS 1:11

Mobodito in mosia! Mosia in dinumuduidon kon onu inta inaidan i Kain. Inta tongá popisí in bá mokouḻí kon doit, dá nogaidon kon onu inta diá kinoibog i Allah, ná doman ki Bileam. Bo mosia tua in irimumud doman popisí in nomarontak ná ki Korah.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”

WAHYU 6:12

Bo akuoi in nokoontongdon bui kon i Adí in Domba tatua nomukat kon meterai inggonomnea. Bo nobaḻídon in ḻinug inta totok mokoondok kon dunia naa. Mata in singgai irumondí naonda bo didit morondí inta nokasar bo buḷan sinimimpuya naonda bo dugú.