MATIUS 11:17 - Alkitab Singog In Mongondow Masa In Tanaa

¹⁷ ‘Podondongan nami in moiko in dondong mokopia kon gina, táe doíbí in moiko motayok, podondongan nami in dondong mokopongoibu, táe doíbí in moiko mongombaḷ.’

MATIUS 11:17 ပူးပေါင်းရင်းမြစ်များ

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

DATU MITA IMITÁNEA 1:40

Noiduduimai kon tua mosia komintan nonakin kon inia nobui sindaḷan norogiow bo nogirup kon bansí, nodapot in butá naonda bo mobotak sin rame tatua.

YESAYA 30:29

Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.

YEREMIA 31:4

Bangusamu in baḻíon-Kubí ponango-nangoian ná dungkuḷmai. Komintanpa doman moiko in mogamábí kon rebana bo motayok takin ḷunganga in gina.

MATIUS 11:16

Onu degá in motaau-Ku popoumpamaan kon intau masai naa? Mosia tua in naonda bo mongoadí mita inta ḻimitú mako kon pasar inta momaḷú kon yobayat mita monia ibanea.

MATIUS 11:18

Ki Yohanes namangoi, sia in nopuasa bo diá nonginum kon anggur, táe kai monimu sia in kinotoḷangan in dimbuḷó.

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

MATIUS 9:23

Naonda in ki Yesus noiyaput kon baḷoi in itoi in baḷoi pososambayangan tatua bo nokoontong kon intau mita inta nogirup kon bansí bo intau mobarong inta motombá mako,

LUKAS 15:25

Koyogot in norame, ki adínea inta guya-guyang in kon gobápa. Naonda in sia nobui bo nodiugdon kon baḷoi, sia in nokodongog kon singog in musik pinoramean kon baḷoi monia.

LUKAS 23:27

Mobarong totok in intau in dumuduianmai kon i Yesus – kon sigad monia tua oyúon doman in tongonumai in bobay. Bobay mita tatua in umuran mongombaḷ bo mogamui kon i Yesus.

LUKAS 7:32

Mosia tua in naonda bo mongoadí mita inta iḻimitú kon pasar bo mosipomaḷúan nanaa, ‘Ain pinogirupan nami kon bansí in moiko, táe moiko doíbi motayok! Pinodondongan nami in dondong inta mokopongoibu, táe moiko doíbí doman mongombaḷ!’

LUKAS 8:52

Totokdon in ombaḷan bo amuian monia in adí tatua, táe ki Yesus in noguman kon i monia, “Dikadon mongombaḷ in moiko sin adí tatua in diábí minatoi tongábí nosiug!”