MATIUS 11:11 - Alkitab Singog In Mongondow Masa In Tanaa

¹¹ Poguman-Ku kon inimu: “Kon sigad monia inta pinolahir in bobay diápabí kon dodai in onda in ná kokokawasa i Yohanes Mobobaptis tongá inta inanggap in intau moompá kon bonu in dunia mobagu i Allah, kawasa-Nea in noiḻiu kon i Yohanes.

MATIUS 11:11 ပူးပေါင်းရင်းမြစ်များ

AYUB 14:1

Nongkon noitondedépamai intau tua in moyangkóbí, diá kodaya; mopoḷok in kobiagannea bo nopuḻing in roriga.

AYUB 14:4

Motaau degá in intau baradosa mokopoangoi kon inta motompod?

AYUB 15:14

Degá intau in totokbí in diá kotaḷá? Motaau degá in sia pobanaron kon tayowon i Allah?

AYUB 25:4

Degá intau motusi kon mata i Allah? Degá nodarit kon tayowon-Nea?

MAZMUR 51:5

Sin inakukubí in bayongan in taḷáku, dosaku in umurankubí toro-toropon.

YESAYA 30:26

Buḷan in monindarbí ná kobayag in mata in singgai, bo mata in singgai in mobayagdon kopitu in kobayagnea ná biasamai, naonda bo bayag in pitu nosinggai sinipun nobaḻí tosinggai. Tua komintan in mobaḻíbí kon tungkuḷ in ki Tuhan mobakut bo mongundam kon kekeb mita in umat-Nea inta ain binibilnea.

ZAKHARIA 12:8

Kon singgai tatua Akuoi in mogoḻiung kon intau inta nogutun kon Yerusalem; bo inta totok in moyangkó kon sigad monia in mobaḻí ná koropot i Daud. Mosia in kapitonbí in buí i Daud naonda bo malaekat-Ku, nodapotbí in naonda bo Akuoi tontaní in nokapit.

MATIUS 11:10

Sin sia tua inta ain pinais kon bonu in Buk Motusi nanaa: Indoiai, Akuoi ain nopotabá mangoi kon totabá-Ku umuna kon ini-Mu, sinbá sia in momontang kon daḷan bayáan-Mu.”

MATIUS 11:12

Pinangkoipamai ki Yohanes Mobobaptis nopotaau in habarnea noiyaput in tanaa, umat i Allah totok in bayowan in intau mita inta moḷongasi mongawasa kon tua takin aid diá mopia.

MATIUS 3:1

Kon wakutu intua ki Yohanes Mobobaptis namangoidon kon padang gurun Yudea, bo nopoyaput in koyow nanaa,

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

MATIUS 5:19

Tuamai, ki ine in monginggamá kon tobatúmai in parenta kon hukum i Musa, tongákabí topiḻik, bo motundú kon inta diá moitutui kon intau ibanea, yo sia tua in tampaton kon tampat inta moompá totok kon dodatuan i Allah. Táe, ki ine inta mogaid bo motundú kon bayongan inta parenta kon hukum i Musa, yo sia tua in mokouḻí kon tampat inta moḷantud kon dodatuan i Allah.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 7:28

“Bá poguman-Kudon kon i monimu, ‘Kon sigad monia inta pinolahir in bobay diábí tobatúmai in noiḻiu kon i Yohanes. Táe inta totok in mointok kon sigad in umat i Allah, siabí tua in mokawa-kawasa nongkon i Yohanes Mobobaptis.’ ”

LUKAS 9:48

Bo Sia in noguman kon murí-Nea mita, “Intau inta notarima kon adí tanaa sin nokotorop kon i-Nakó, yo tua in mangaḻenea sia notarima kon i-Nakó; bo ki ine in notarima kon i-Nakó, yo sia in notarima doman kon i-Nia inta nopotabá kon i-Nakó; sin ki ine moompá in dodia kon sigad monimu komintan, yo siabí tua in moḷobe-ḷoben!”

YOHANES 1:15

Ki Yohanes in namangoi saḷaku sakusi-Nea, sia in nopohabar: “Naadon in Sia inta pinogumanku: Moiduduimai kon inakó, moiangoi in Sia inta mokawa-kawasa nongkon inakó, sin Sia in oyúondon kon wakutu in akuoi diápa.”

YOHANES 1:27

Sia inta namangoi noiduduimai kon inakó, táe umpaka tongá mobuka kon togot in sapatu-Nea, yo diá patus in akuoi.”

YOHANES 10:41

Nobayong intau in namangoi kon i-Nia. Mosia in noguman, “Ki Yohanes in diábí nomia kon soaḷ mita inta mokoherang, táe bayongan inta pinogumannea soaḷ intau tanaa in totuubí.”

YOHANES 3:30

Kawasa-Nea in mustidon kodugang-kodugang bo akuoi in kointok-kointokdon.”

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

YOHANES 7:39

Ki Yesus in nongonguman kon soaḷ Roho i Allah, inta bain tarimaan in intau mita inta mopirisaya kon i-Nia. Sin wakutu intua Roho i Allah in diápa inogoi; sin ki Yesus in diápa pinomulia.)

KORINTUS 1 15:9

Sin akuoibí naa in rasul inta totok in mohina kon sigad in bayongan rasul, sin akuoi in nomogutú kon bayongan jamaat i Allah.

KORINTUS 1 6:4

Dá aka momuká in pelekara mita natua, umpaka yo pongaduon doman monimu kon intau mita inta diá nonotaau in yagi-yagi kon bonu in jamaat?

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

TIMOTIUS 2 1:10

Bo masa in tanaa pinoontongdon i Allah in totabi-Nea tatua kon i naton. Pinotabá-Nea namangoi in Datu Mopoposaḷamat naton ki Yesus Kristus. Sia inta ain nonaḷow kon kawasa in popatoi. Tuata inta pinotaau kon Habar Mopia tatua.

IBRANI 11:40

sin oyúonbí in tomayá i Allah kon i naton inta mopia-piabí totok nongkon tua. Naa in tomayá-Nea tua, tongábí moyotakin naton, mosia in mobaḻí mosompurna.

PETRUS 1 1:10

Kasaḷamatanbí tanaa inta ain pinirikisa kinopia totok in nabi mita inta nopoyaput in koyow i Allah soaḷ totabi bo barakat inta inogoi i Allah kon i monimu.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.