MATIUS 11:10 - Alkitab Singog In Mongondow Masa In Tanaa

¹⁰ Sin sia tua inta ain pinais kon bonu in Buk Motusi nanaa: Indoiai, Akuoi ain nopotabá mangoi kon totabá-Ku umuna kon ini-Mu, sinbá sia in momontang kon daḷan bayáan-Mu.”

MATIUS 11:10 ပူးပေါင်းရင်းမြစ်များ

YESAYA 40:3

Oyúon in singog in nopobaḷú, “Sadiadon in daḷan kon padang gurun kon i Tuhan. Tuḻidon in daḷan kon rawang kayuon kon i Allah naton!

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

MATIUS 11:11

Poguman-Ku kon inimu: “Kon sigad monia inta pinolahir in bobay diápabí kon dodai in onda in ná kokokawasa i Yohanes Mobobaptis tongá inta inanggap in intau moompá kon bonu in dunia mobagu i Allah, kawasa-Nea in noiḻiu kon i Yohanes.

MATIUS 11:3

dá nopotabádon in sia kon murínea mita noḻibó kon i-Nia nanaa: “Degá Ikodon naa in intau inta mamangoi podudui in dandi i Allah, andeka mogoḷatpa degá bui in kami kon intau ibanea?”

MATIUS 3:3

Ki Yohanesbí naa inta pinopomakusudan in singog i Nabi Yesaya nanaa: “Oyúon intau inta nobaḷú kon padang pasir: Sadiadon daḷan kon i Tuhan, tuḻidon in daḷan kon i-Nia.”

MARKUS 1:2

Habar Mopia tatua in pinangkoi ná inta pinais i Nabi Yesaya, nanaa, Ki Allah in noguman: “Naadon in totabá-Ku, ‘Pinotabá-Ku in sia umuna kon ini-Mu, sinbá sia in momontang kon daḷan bayáan-Mu.’

LUKAS 1:76

Bo iko, adí-Ku in tangoion nabi i Allah Inta Totok in moḷantud. Iko in pinotabá umuna kon i Tuhan sin moposadia in daḷan bayáan-Nea.

YOHANES 1:23

Ki Yohanes in notubag: “Akuoibí naa inta imakusud in singog i Nabi Yesaya nanaa: ‘Intau inta nobaḷú kon padang gurun: Tondodaidon daḷan kon i Tuhan.’ ”