MATIUS 10:7 - Alkitab Singog In Mongondow Masa In Tanaa

⁷ Bayádon bo poguman, kon ki Allah in ḷagidon mamangoi momarenta saḷaku Datu.

MATIUS 10:7 ပူးပေါင်းရင်းမြစ်များ

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

MATIUS 10:8

Undamaidon in intau notakit; biagdon bui in intau minatoi; undamai doman in intau inta pinanyaki kusta, bo untun in dimukud mita moraat. Naa komintan in inogoi pinonotabi kon i monimu. Manangka intua yo ponotabi domandon.

MATIUS 11:1

Naonda in ki Yesus nopaḷut nopoyaput in koyow tatua kon murí-Nea mita tatua, nobuatdon in Sia nongkon tua bo minayá nobogoi in topotundú poḷat nopotaau in Habar Mopia kon bonu in kotá mita monia.

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.

MATIUS 21:43

“Dá toropdon,” guman i Yesus, “bayongan hak, saḷaku umat i Allah gamáan nongkon inimu bo ogoi kon bangusa inta moibog dumudui kon parenta mita i Allah. [

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 3:2

“Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

MATIUS 4:17

Mulai kon wakutu intua ki Yesus in noguman, “Pogogaidon in mogaid kon dosamu mita, sin ki Allah in mamangoidon momarenta saḷaku Datu!”

MARKUS 6:12

Dá minayádon in murí-Nea mopuḷú bodoyowá tatua. Mosia in minayá nopotaa-taau mako in habar, kon intau in musti mogogaidon in mogaid kon dosa mita.

LUKAS 16:16

Hukum i Musa bo buk in nabi mita umuranpabí pinaké nodapot kon masa i Yohanes Mobobaptis. Bo pinangkoidon nongkon wakutu intua Habar Mopia kon naonda in ki Allah mamangoi momarenta saḷaku datu tantúdon pinotaau. Bo intau mita umuran moramuji totok sinbá mobaḻí umat i Allah.

LUKAS 9:2

Onda intua nopotabá kon i monia minayá nopotaa-taau mako in Habar Mopia kon naonda in ki Allah mamangoi momarenta saḷaku Datu poḷat mongundam kon intau mita inta notakit.

LUKAS 9:6

Dá minayádon in murí i Yesus mopuḷú bodoyowá tatua bo sindaḷan nopoyaput in Habar Mopia poḷat doman mongundam kon intau mita inta nongotakit kon ḻipu mita inta kinobayáan monia.

LUKAS 9:60

Táe ki Yesus in noguman kon inia, “Pomayádon mako in intau minatoi moḷobong kon intau minatoi; táe iko in bayádon bo poyaputdon in Habar Mopia kon bayongan intau kon ḻipu-ḻipúannea. Poguman kon ki Allah in mamangoidon momarenta saḷaku Datu.”

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

OUMAN IN RASUL MITA 10:25

Naonda in noiyaput in ki Petrus, baya-bayá sinomu i Kornelius poḷat sinumungkud in sia kon tayowonmai i Petrus.

OUMAN IN RASUL MITA 28:31

Bo taran-tarangan doman in sia in nopotaau in Habar Mopia kon naonda in ki Allah momarenta saḷaku Datu bo moginsilang kon soaḷ ki Tuhan Yesus Kristus. Onu in inaidan i Paulus tatua diá bidon in noḷambo-ḷamboi mako.

OUMAN IN RASUL MITA 4:2

Mosia in sinumorú kon i nayadua sin mosia ain notundú bo nopotaau kon intau mita kon ki Yesus aindon nobiag bui nongkon kinopatoian-Nea. Tua in nobaḻí bukti kon intau matoi in mobiagbí bui.