MATIUS 10:4 - Alkitab Singog In Mongondow Masa In Tanaa

⁴ ki Simon intau in Zelot bo ki Yudas Iskariot inta nomaḻidawan kon i Yesus.

MATIUS 10:4 ပူးပေါင်းရင်းမြစ်များ

MATIUS 26:14

Noiduduimai kon tua, murí i Yesus tobatú inta kon sigad in murí-Nea mita mopuḷú bodoyowá, inta ki Yudas Iskariot, minayá kon imang mita itoi.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MATIUS 26:47

Wakutu in ki Yesus yogotpa noyosingog, ki Yudas, tobatú murí-Nea in namangoidon noyotakin in intau mobayong inta kodia-dia in pitow. Bo bobobak, tua komintan in pinoki dia in imang mita itoi bo guhanga in ḻipú intau Yahudi.

MATIUS 27:3

Kon wakutu in ki Yudas inta noposarakan kon i Yesus nokoontong kon ki Yesus in sinantúdon hukumon dapot matoi, nomanasaḷ in sia. Bo binayánea pinobui in doit saḷaka toḷu nopuḷú tatua kon i imang mita itoi bo guhanga mita in ḻipú.

MARKUS 14:10

Bo ki Yudas Iskariot, tobatú murí i Yesus nongkon sigad inaya mopuḷú bodoyowá, minayá kon imang mita itoi takin monomayá moposarakan kon i Yesus kon i monia.

MARKUS 14:43

Koyogotpa in ki Yesus noyosingogmai, noiangoidon in ki Yudas, tobatú murí i Yesus inta kon sigad nayamopuḷú bodoyowá tua. Sia in noyotakin intau mobayong inta kodia-dia in pitow bo bobobak. Mosia tua pinotabá in imang mita itoi, mototundú mita kon agama Yahudi bo in itoi mita intau Yahudi.

LUKAS 22:3

Onda intua Ibilis ginumonú kon i Yudas inta dinonoi ki Iskariot, tobatú murí i Yesus inta kon sigad nayamopuḷú bodoyowá.

LUKAS 22:47

Koyogotpa in ki Yesus monongginamai kon murí-Nea mita tatua, namangoidon in intau tokawang, inta dinia i Yudas tobatú murí i Yesus tua. Noiyaputmai kon tua, ki Yudas baḷú minayá kon i Yesus bo nongayok.

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

YOHANES 6:64

Tongá oyúon doman kon sigad monimu in diá mopirisaya.” (Kinotaauan bidon muna i Yesus in intau mita inta doí mopirisaya, bo ki ine mobaḷui in pirisaya kon i-Nia.)

YOHANES 6:71

Ki Yudas ki adí i Simon Iskariot i makusud i Yesus tatua. Sin ki Yudasbí tuata in moposarakan kon i Yesus, umpaka sia in murí doman i Yesus inta kon sigad in murí-Nea mopuḷú bodoyowá.

OUMAN IN RASUL MITA 1:13

Kon Yerusalem in mosia minayá in baḷoi inta pinogutunan monia. Mosia namonik in yuang inta pinongaanan monia wakutu in Singgai Moḷoben Paska. Naa in tangoi monia tua: Ki Petrus, ki Yohanes, ki Yakobus, ki Andreas, ki Pilipus, ki Tomas, ki Bartolomeus, ki Matius, ki Yakobus inta ki adí i Alpeus, ki Simon intau in Zelot bo ki Yudas adí i Yakobus;