MATIUS 10:33 - Alkitab Singog In Mongondow Masa In Tanaa

³³ Táe ki ine in momayow kon tayowon intau mobarong kon sia in dumodudui-Ku, yo sia in bayowan-Ku doman kon tayowon i Amá-Ku inta kon soroga.”

MATIUS 10:33 ပူးပေါင်းရင်းမြစ်များ

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

MARKUS 14:30

“Pokotorop Petrus,” guman i Yesus, “doḷom doman naa, wakutu in manuk diápa mokukú kodua, yo koyongandon kotoḷu in iko moguman kon deemanbí murí-Ku.”

MARKUS 14:72

Kon dodaipa doman tuata manuk nokukú kon induanea. Bo kinotoropandon i Petrus kon munadon pinoguman i Yesus kon inia, “Kon diápa mokukú in manuk kon induanea, koyongandon kotoḷu in sia nomayow deeman murí.” Bo nongombaḷ mopoina-inak in ki Petrus.

MARKUS 8:38

Sin ki inekabí in mooyá popisí Akuoi bo popisí in singog-Ku kon yua-yuak in intau mita inta diá mosatia bo binaradosa naa, yo ki Adí intau mooyá doman popisí in intau tatua aka Sia mamangoidon bui kon bonu in kamuliaan i Amá-Nea takin malaekat mita mokudus.”

LUKAS 12:9

Táe ki ine in momayow kon tayowon intau moantó kon sia in dumodudui-Ku, yo sia in bayowan doman in Adí Intau kon tayowon in malaekat mita i Allah.

LUKAS 22:57

Táe binayowan i Petrus kainia, “Beresibí diá nokanalku in intau tatua!”

LUKAS 9:26

Sin intau inta mooyá in mongaku kon sia tua in dumodudui-Ku bo mooyá in mogaid kon onu inta ain sinundú-Ku, yo ki Adí Intau mooyá doman in mongaku kon sia in dumodudui-Ku kon wakutu in moiangoi in Sia takin kawasa-Nea bo kawasa i Amá bo in malaekat mita inta motusi!

TIMOTIUS 2 2:12

Aka kita bo motaba, yo kita in moyotakin-Neabí doman momarenta. Aka diá akuon naton in Sia, yo diábí doman akúon-Nea in kita.

PETRUS 2 2:1

Koḻipod kon sigad in umat i Allah, oyúondon in intau mita inta mongaku nabi, táe deemanbí in mosia tua totuu nabi. Natuabí doman in mobaḻí kon sigad monimu, moiangoibí intau mita inta mongaku guru, táe onu inta tundúon monia tua in diábí totuu. Mosia in motundú kon uboḷ, sahingga intau inta mopirisaya kon i monia in mokouḻí kon hukuman. Bo mosia tua diá mopirisaya kon mongongawasa inta ain nopobebas kon i monia. Aid monia natua in mokobodito kon i monia tontaní, bo tua in diádon moonggot in moiantug kon i monia.

YOHANES 1 2:23

Intau inta diá motarima kon i Adí, dá mangaḻenea sia in diá doman motarima kon i Amá.